شبكة رهب الأدبية-ريما محمد السديري - الأمير ، الشاعر ، الفارس

http://www.al7an.com/al7an-00/module...d-alsderey.jpg

بسم الله الرحمن الرحيم ..

احبائي قد تكون مصافحتي الاولى في المنتدى ..

سأكتب عن شاعر أمير فارس جمعها كلها ..

سنعطر القسم باعماله الفاضله ، قصائده ، جوانب شخصيته ،صفاته

http://group.eqla3.com/5/pic/mas1.jpg

إنه أبو زيد محمد بن أحمد بن محمد بن أحمد بن محمد بن سليمان بن ناصر بن فوزان بن تركي بن عبدالمحسن بن محمد بن خالد بن احمد بن فارج بن ناصر بن عبدالله بن ملحم بن حسين بن عبدالوهاب بن عامر بن سويد بن سليمان بن محسن بن جواد بن سدير بن شاكر بن هجال بن مشجع بن حمدان بن عايد بن بدر بن خميس بن عامر بن بدران بن سالم بن زايد بن سالم بن زياد بن سالم بن وداعه بن عمرو بن عامر بن حارثة بن امرئ القيس بن ثعلبة بن مأرب بن الأزد بن الغوث بن مالك بن نبت بن زيد بن كهلان بن سبأ بن يشجب بن يعرب بن قحطان بن هود عليه السلام.

ينحدر من السدارى تلك الاسر العريقه التي لها مصاهره مع آل سعود وخوال الملك عبدالعزيز رحمه الله فأمه الاميرة سارة بنت أحمد بن محمد بن سليمان السديري .

وايضا خوال الملك فهد والامير سلطان والامير نايف والامير سلمان والامير احمد والامير عبدالرحمن فأمهم وأم الأمير عبدالله بن محمد الأميرة حصة بنت أحمد بن محمد بن أحمد بن محمد بن سليمان السديري وخالهم هو شاعرنا محمد بن أحمد السديري .
http://www.benzaben.com/users_images/494.jpg

شخصيته وبعض صفاته

كان سمو الامير فارسا وشاعرا وأميرا كان حكيما متزنا قيادي يبذل المال ويبذل نفسه ويبذل جاهه من غير خوف وبكل تواضع كان بطلا مغوارا وبكل تاكيد وما ساهم في بروزه بشكل كبير شاعرا كبيرا بل احد اعمدة الشعر التي لا تتزحزح وكان صادقا بشكل عام ..

المناصب التي تولاها

كان الامير محمد الاحمد السديري محل ثقه الدوله فقد تولى إمارة الجوف عن عمر يناهز ال 17 عاما واختاره على ذاك المنصب آنذاك الملك عبدالعزيز بن سعود رحمهما الله ثم اصبح اميرا على جيزان وبعد ذلك تولى القياده المشاركه في حرب فلسطين عام 1948 وقاد الجيش السعودي في حرب اليمن وهو اول محافظ لأنابيب خط التابلاين وأميرا على عرعر وفي امارته وعهده عرفت عرعر بهذا الاسم الى يومنا هذا.

أخوته

سبعه وهو ثامنهم وهم تركي وعبدالعزيز وخالد ومحمد هو الرابع وعبدالرحمن ومساعد وسليمان وبندر .

الأبناء

فله 12 من الذكور و 12 من الاناث

سنتطرق الان الى بعض قصائده ..

من اجمل قصائده والتي احببتها كثيرا ومن اسباب انجذابي لشعره ..

القصيده الشهيره التي لاقت صدى كبيرا بعد غنائها من فنان العرب محمد عبده واليكم القصيده ..

يقـول مــن عـــدى على راس عالي
رجــم طــويـل يـدهـله كل قرناس
فـي راس مـرجـوم عـسير المنــالى
يشتاق لـه مـنـدك بالقـــلب هوجاس
قـعـدت فـي راسه وحـــيد لحــالى
والقـلـب فـي لجات الافكار غــطـاس
وقعدـت اعـد ابـامهـــا والليـالــى
دنيا تـقـلب مـا عــرفـنـا لها قياس
دنيا تـفـرق بيـن غــــالى وغـالى
لو شفت منـهـا ربـح يرجــع للافلاس
يا ما هفا به مـن رجــال مـدالـــى
مـا كـنـهـم ركبوا على قب الافــراس
ولا رددوا صـم الـرمـك للتــوالــى
ولا ثـار عـج الـخيل في كـل مـرواس
ولا قـلـطوهـن للكمـــين المـوالـى
ولا صـار فـوق ظـهورهن شلع الانفاس
فـي حـومـة الهيجا لهن اجتوالــــى
كـل يـبى مـن زايـة الفعل نــومـاس
مــن بينهـم عود الجنا والســـلالـى
مـثـل البـروق اللـــيل الادمـــاس
يقطـعـك دنـيـا مـا لـهـا أول وتالى
لـو اضـحكـت تبكى وتوريك الاتعــاس
يـا ابـجـاد شـب النار وادنـى الـدلالى
واكسـر لـنا يـا ابجاد ما يقعد الــراس
فـنـجال يغـدي مــا تـــصور ببالى
وروابـع تـضـرب بها اخماس وأسداس
لـعـل قـصر ما يجيبــــه اظلالــى
يـنـهـد من عالى مبــانيــه للساس
لـى صـار مـا هو مدهل للـرجـــالى
وملـجـأ لـمن هو يشكى الظـيم والباس
بـحسـناك مـا منشى حقــوق الخيالى
يـا خـالق اجـناس ومفــنى اجـناس
تجعـل مـقـره دارس العهــــد بالى
صـحـصاح دو خـالــى ما به أو ناس
لا خـاب ظـنـك بالرفيــــق الموالى
مـالك مشـاريـه عـــلى باقي الناس
وإن ناشنى مـن بـعـض الادنيـن صالى
مـانــى عـن الزلات مخـــبر وبلاس
كالعنبـر الغالـى بالأسـواق غــــالى
ولا درهــم الفضيـة على صفر ونحاس
اجـزيـة بـالصده جنوب وشمـــالـى
واتـلى هـوى قـلبى اليا هب نسنــاس
المستريـح اللـى مـن العـقـل خــالى
مـا هـو ولجـات الهواجيس غـطـاس
مـا هـو بمثلـى مشــــكلاته اجلالى
عجـزت اسجلهـن بحبـر وقـــرطاس
حملـى ثقيـل وشلـت حملـــى لحالى
ونصبـر علـى ضيـم الليالى والاتعـاس
بـرسـي كما ترسي عـوالى الــجبالى
مـا ينهـزع حـيد عـــليه القدم داس
مـتـى تـربع دارنـــا والمـفــالى
تخضر افياضـه عـقـب مـا هي بيباس
ونشـوف فـيـه الـديدحــان متـوالى
مثـل الـرعـاف بخصر مدقـوق الالعاس
ينثـر عـلى البيـداء ســـواة الزوالي
يشـرق حـمـاره شرقة الصبـغ بالكاس

وهناك ابيات عنون لها الشاعر محمد الاحمد السديري رحمه الله بانها الثلاث المعجزات .

ولا الهرم والفقر والثالث الموت # يالآدمي بالكون ياعظم شانك

سخرت ذرات الهـوى تفهـم الصـوت # وخليتها أطوع من تحرك بنانك

جمـاد تكلمهـا وهي وسـط تـابوت # تاخذ وتعطي ماصدر من بيانك

وعزمت من فوق القمر تبني بيـوت # من يقهرك لو هو طويل زمانك

لولا الثلاث وشـان من قدر القـوت # نفذت كل اللي يقوله لسانك

ومن قصائده في الحكمه والتي ذكرها يفوق الوصف في موضوع اخر :

لله من هم بروحي سهجها = بخافي ضميري في كنين الحشا لاج

أحر من نار توقد وهجها = منها خطر روحي على سلك ديباج

وعين عسى المولى يعجل فرجها = يفوح ناظرها كما عين هداج

استرسلت للدمع من مارهجها = غيظ يكظ عبارها مثل الأمواج

الله خلق دنيا وساع فججها = وعن مايريب القلب لك كم منهاج

والرجل ان شطت لياليك سجها = عسى تواليك تبشر بالافراج

وهذه مختاره من قصائده في الفخر ..

عفا الله عن قلب يزيد عناه= وداعي غرامه للغرام دعاه

ماطاع عذال يعذله من الملا= وان سمع عذاله بزيد عناه

الى توسع خاطره ربع ساعة= على الضيق داكوك الهموم نحاه

قلب براه مجادل الضيم والعنا = الضيم من بين الضلوع براه

يقول ايضا :

آه من صبر صبرته على الكود= ومن ونة للقلب جاحت وقدت

ونة عتب ونة غضب مالها حدود= ياليتها عن مغلق الصدر صدت

لو هي بحيد ذوبت كل جلمود= على الضماير بالهضايم تحدت

قامت تعرض لي بالايام والسود= إن قلت قفت عودت لي وردت

إن قلت هانت بالحشا جابت الزود= وجاحت خفايا ضامري واستجدت

وزادت جروح القلب بجروح ولهود= ودنياي مالت على سنعها ولدّت

والعين كن بنونها ملح بارود= على السهر كل الليالي تحدت

تسهر وبعض الناس هجاع ورقود= وهي تبي فرقاه مافيه لدت

ونشدت ياتركي عن اللي بهم جود= وقالو ضعون أهل المروات مدت

العدل من شد ومع الناس مفقود= وبفعالهم عمسين الاريا تقدت

منزالهم خال تصافق به النود= منيوم اسلاف الاجواد شدت

اقفو عن الدنيا هل الخيل والقود= اللي فضايلهم على الناس بدت

هل الفعول ولبسهم صنع داوود= وهل المهار اللي على الضد كدت

عصمان الاريا مشرعه كل مجرود= ليت الليالي السودعنهم تعدت

الناس بالايام طارد ومطرود= ياليتها باهل المروه تحدت

وطير الفلاح اللي عن الصيد مردود= عقبه تبوع علمت واستهدت

أشوف ناس عندها الحقد ماجود= ونفوسهم عن كل عليا تردت

العدل في ساحتهم صار مفقود= وعن الفضيلة جنبت واستردت

مايرفعون النفس عن كل منقود= وان ماتعشت عرضها له تعدت

تعطي عن العليا محاريف وصدود= ووجيههم ماقيل بالجود ندت

قال ايضا في قصيده متولعا في نجد العذيه ..

أن كان بي عذروب حبي لاهل نجد= أحبها وأحب شمة هواها

أحبها يــوم انها ديــرة المجــد= دار تمكن بــالضماير غــلاها

دار غـــلاها باجد مهــجتي بجد= دار لنا دار ظلالي ســـماها

ان غبت عنها الحقت وجد على وجد= متذكر عقب البطا برد ماها

ياما غدا فيها مهار لهن رجــد= من فــوقها صيد تروي قــناها

نرجوا أن ينال الرضا والاستحسان ..

دمتم بود اخوكم سعودي مآركه

http://www.al7an.com/al7an-00/module...d-alsderey.jpg