ياناشد ٍ عني أنا ماني بخير=خاب الرجا والوقت اخلف اظنوني
بالامس ضحكاتي صباح وتباشير= واليوم حزني كاسي ٍ كل كوني
صرت اجهل الواقع بلا اي تبرير=لين اعترى احساسي وغنى لحوني
هدوئي الشامخ بوجه الاعاصير= لا ثار فجّر بالمشاعر سكوني
الغيت من فكري جميع المحاذير=وتمردت بالذات نشوة جنوني
جل أمنياتي أملك اجناح واطير=ارقى فضا واكحل مداخل عيوني
واخلي الغبرا وكذب المعاذير=مليت انا من كثر مايوعدوني
جيت ابراءه واختلافي عن الغير=وفتحت صدري للبشر وطعنوني
وعرفت ماكل النوايا مغاتير=كم نية ً بيضاء وفيها اوهموني
فزيت من غفلة زمان المخاسير= وربحت من لا ودهم يكسبوني
انا فتاة احلام ماني طباشير=لامن كتبني ذاك ذول امسحوني
لي فى بلاد الحرف ناس وجماهير= لامست احساس البشر واحفظوني
مشاعري قصة وشعري اساطير=يروي حكاياتي وسيرة طعوني

جيت ابراءه واختلافي عن الغيـر
وفتحت صدري للبشر وطعنونـي
وعرفـت ماكـل النوايـا مغاتيـر
كم نية ً بيضاء وفيهـا اوهمونـي

العنود
صح السانك
كل بيت عن قصيده
ابدعت بحق