يالله يالمعبودفي كل الاوقات=لاجلك تقوم سنتن مع رتبها
ياعالمن في غيبها والخفيات=بامرك مناياالخلق ياتي سببها
باسمك بديت اللي تهين مطيعات=تاردمطيعه عندحزة طلبها
ارياض فكري بالمعاني غنيات=في حزتن تطري علي انتخبها
كم شاعرن ينظم من القيل جزلات=وهبه وربي للخلايق وهبها
ينظم اجزال القيل معنى ووقفات=ياكثرمن عسرالمعاني لعبها
من شانهاغاص البحورالمغبات=اللي غطس في غبهاقدكسبها
لابن دخيل الله سلام وتحيات=احلى من البرحي وباقي ارطبها
معهن هديه ماوراهامجازات=من قلب مخلص صاحبن لك كتبها
ياشاعرن قافك نعده وسامات=ولاهانوارجالن عليه انحسبها
لوكان ماتحتاج مني شهادات=ابيات شعرك من نوادرذهبها
قيفان شعرك من حساب الثمينات=اصايلن مثل اصفهان وسكبها
على القوافي لك يابن عون بصمات=ماتغتني عنك الثقافه وادبها
شاعروتزهاك الخصال الحميدات=المرجله والدين عرقك شربها
مشيك على وضح النقى والسفيرات=يابن الرجال اللي عريبن نسبها
يلقى الشبب ضيفك على كل حزات=فيك الصخى والجودلاجت اوجبها
يفداك نذلن سهمته بالرديات=لاشاف سكة سوعجلن قضبها
الشعرساسه من عصورن قديمات=احيابه التاريخ ماضي عربها
مشى مع الاجيال ورث وروايات=نوادره طول الزمن ماشطبها
عاش بزمانن ماصدربه مجلات=مهابته ماحدن لك الله قربها
واليوم طب السوق راعي بضاعات=ابضاعتن في كل سوقن جلبها
سوالها قدام تجلب ادعايات=ادعايتن فيهايغطي عيبها
شعرن يسمونه بشعرالحداثات=من جمتن عشب عليهاغربها
شعرن تبنوه الجهل والسفاهات=خيمه وحتى بنقلا قدنصبها
واختامهامالبوالناس زافات=واعدادماشالت عروشن عنبها
على نبي الله سلام وصلوات=اللي ديانة كل مشرك حربها




رد الشاعر





يامرحبا ماغنت الراعبيات=على نبانيبن تجاذب طربها
واعدادماتكتب وماتتلى الايات=وعددحروف الكتب واللي كتبها
برسالتن جت باخرالمستجدات=غرايبن عن كل ناقدسكبها
روايعن مثل الجواهرمنقات=عن كل مايخمل عليهاسربها
الياقنص للشعريرقى المنيفات=والطيبه يحف القدم في طلبها
ويحاول العوب الصعاب العنيدات=بالعرف لين انه يروض صعبها
يعطف من الوضح المراديم خلفات=متالين ماقبله احدن حلبها
ماهم بناسن ودهت للكحيلات=وهي ماتميزخلفهامن جنبها
اهل مجلات الخناوالقنوات=كلن من المعذرجواده ركبها
مع الدروب المظلمه والمتاهات=من يوم يركب في ظهرهاهذبها
واله الصحافه والمه والاذاعات=ينشربهاماقال ويذيعه ابها
يحط معه مقابله عشرصفحات=ويحط ترتيبه من اعلى ارتبها
والياطلع بالمختلف خمس مرات=الامسيه تحقيق رغبه رغبها
كلامه اللي فيه وجد وتنهات=سبابه الباب الحضوروسلبها
من كثرة التصفيق ومن الهتافات=الطاوله يمكن يكسرخشبها
الجايزه فازوبهااهل الاعاقات=اللي عرجهايشتقي به عضبها
الوقت يابراهيم جافيه خلات=وشفنامن الدنياعجايب عجبها
من كثرمافيها من الاختلافات=معاديعرف راسها من ذنبها
وقت الصالح والخدع والخيانات=وكل الموازين العريقه قلبها
صاروبه المتطفله مثل بركات=وبنت الدويش اشوف بصري خطبها
واهل المقالب والخدع والحيالات=قامت على الكبسه تلاحق حطبها
رجالهم تستامنه فالامانات=وان شاف له فرصه عليهانهبها
واللي لهم يوم المواقيف وقفات=يوم الخطرناره يروع لهبها
تاريخهم معروف في فايتن فات=اهل الرماح اللي تروي غلبها
في كل طيب الهم اصروحن مشيدات=فوق الجبال الشم اشادوقببها
صيدن يظلل ظلهافالملمات=وتدرى مهابتها ويخشى غضبها
يوم المبارز والجموع المغيرات=ويوم التعب ياماتلقوتعبها
ويوم الامن روحه حياوالخطرمات=وقفاشقى الديره وناحرشببها
هذي ركايبهم ضماياحفيات=في لاهب الكنه يبيسن اقربها
بوقتن غدابه للديوكه معاعات=والفاره تنفص وتفتل شنبها
وصلوعلى اللي حطم الشرك واللات=عددجريدالباسقات وهدبها