البارحه عديت روس المراقيب = من نبرةٍ وسط الحشى مستكنه
ساهر طوال الليل واقنب كما الذيب = والا صويباً ذاق طعن الأسنه
مما جرى ياخوك رمياً وتصويب = من غير حق اطلقت كل الأعنه
ماهقوتي تخفاك بعض الاساليب = لكن على ماقيل طبلك ودِنه
وإن كان تبغي العلم من غير تكذيب = ابدت صدوف الدهر شياً تكنه
يهاجسي ياللي منزه عن العيب = اسرج خيولاً للعتب ينقلنه
من شيخ فارس مايحب العذاريب = مايحذف المقفي ولو عذربنه
كريم سبل(ن) لو تجي بالمطاليب = يحلها في الحال ماتغلبنه
اللي بدا من علم مخطيه لاريب = واللي خفا رب الملا يعلمنه
يشهد له اللي عالم السر والغيب = ماهو بحاجة واحد ينزهنه
من يوم ماكنا على الفطَّرالشيب = اسلوبنا واحد ولانغيرنه
نحمي الحدود بقابسات المشاهيب = ورثاً من الاجداد مانتركنه
بالرِِِجل وإلا فوق عوج العراقيب = وإلا على ظهور الأصايل نسنه
يشهد لنا الداني وحتى الأجانيب = نكوي العدو كياً على غير سنه
ماهمني في الوقت بعض الألآعيب = واهل الحكي الواجد وماسطرنه
ماخاوي إلا ناقلين المشاعيب = اهل الكرم والجود من غير منه

من يوم ماكنا علـى الفطَّرالشيـب
اسلوبـنـا واحــد ولانغيـرنـه
نحمي الحدود بقابسات المشاهيـب
ورثـاً مـن الاجـداد مانتركـنـه
الشاعر سالم الفهمي
والله كفو وسبعة انعام قصيده رائعه بشاعر لا ينتظر شهادتي
صح لسانك وعلا شانك
تحياتي لك
رهب

المشاركة الأصلية كتبت بواسطة متعب (المشاركة 224834) سالم الفهمي صح ألسانك ونعم فيك وفي لابتك جزل في كل شي لاعدمناك

الغالي : متعب

صح بدنك وماعليك زود

شكراً من القلب على هذا التشريف والتعليق الراقي

لاخلا ولاعدم