|
( مَـنـفَـذ الـدَولـه )
بسم الله الرحمن الرحيم السلام عليكم ورحمة الله وبركاته يسعدني ان اقدم بين يديكم هذه الغزليه بعنوان ( مَـنـفَـذ الـدَولـه ) واتمنى ان تحوز على رضاكم وتنال اعجابكم،، إلا مني نويت أرقد إلا مني نويت ارتاح=يجي طيفك يخاشرني..عسى ماشر..على نومي!! سهوله لا نوى الجيّه صعوبه طبعا المرواح=لأن الطيف ذا مطلوب عليه القبض ملزومي لأن صاحبه في ديره وأهو من ديرته لي راح=تعدى (منفذ الدوله) بدون اثبات معلومي وكل مره أبسمح له..لأن شوفه لنا أفراح=يذكرني رفيق(ن) لي مدام الوصل معدومي أسلي القلب في طيفه بشوفه همنا ينزاح=بحب الطيف يالغالي غدا ذا القلب مختومي أنا لي صاحبن غالي وحبه وسط قلبي لاح=كما برق السما لاجا يشق بنوره اغيومي وأنا قفلت له قلبي وسلمته معه مفتاح=وسلمته بوسم اسمه ثلاث احروف موسومي على فجأه يجي ذكره وبالي دايما يجتاح=يجيني ألف مره أو ثلاث أضعاف باليومي في بحر الحب غرقني وأنا به سابقا سباح=لا والله غرقتن زينه..وأنا ما ودي أعومي! معاه البال في بعده يسج ودايما سراح =كثير الناس تسألني ألا سجيت.. وش قومي؟؟ أسج ولا انكتم صدري ارد أقلب المسباح=اردد فالخفا عزاه..عسى ذا الحال مرحومي أحاول أخفي أشواقي ولكن شوقنا فضاح!=عيون العاشق المغرم لها تأثير مفهومي أشوف النفس في بعده تنادي وين خلي راح=وأحس القلب في بعده من الشريان مكتومي وأحس الشوق له صيحه يلج وبالحشا صياح=وكن الحب ذا سم(ن) ومجرى الدم مسمومي والا منه لفا عندي برحب به بضرب اسلاح=ولكنه يبي ينحش من الأصوات ويلومي! اجل احسن أرحب به بعطرن غالين فواح=وحب الوقت ذا (كشخه) يبي ترتيب واهدومي أخاف أرمي يهملني ويتركني ألم واجراح!=وماني ناقصن والله ازيد الهم بهمومي ارحب به وسط عيني وقدره عالين ماطاح=مدام اسلومه توافق تقاليدي مع اسلومي وأنا يامن غدا قلبي بوصلك دايما مرتاح=ولكن النوى شي(ن) من الرحمن مقسومي عسى ترجع على الديره تنور دارنا ياصاح=وترجع سالم(ن) غانم بليا شر..لي دومي والسلامة للجميع تقبلوا تحيات ^ ^ ^ محبكم ( بـدر بن صـقـر الـعـجـالـيـن ) |
|
اجل احسن أرحب بـه بعطـرن غاليـن فـواح وحب الوقت ذا (كشخه) يبي ترتيب واهدومـي صح لسانك يابدر تقبل مروري تحياتي لك |
الله عليك يابدر
صح لسانك واحساسك قصيدة جزله وجميلة من شاعر جزل ننتظر جديدك ومميزك تقبل مروري وتحياتي |
بدر بن صقر العجالين ماأقول الا .. صح لسانك . ومن منطلق (حنا نعاتب من نوده ونغليه) وأنا لي عتب عليك بهالقصيده .. الأبيات اللي قريتها يابدر ليست بمستوى بدر اللي عرفناه بالمسابقتين . أنت قدمت لنا قصائد جزله بشاعريه شاعر متمكن . ومن قرأ قصائدك يعرف مستواك الرائع . ويعرف أن ماقدمه بدر يستحق الأشاده من الجميع بدون أستثناء . هنا فاجأتني أيضاً في الشطر الأول من البيت الثالث : لأن صاحبه في ديره وأهو من ديرتـه لـي راح تمنيت أن فيه خطأ أملائي يجعلني أتراجع عن ملاحظتي من ناحية ضعف الوزن . ماأقول ألا أنك أكبر بكثير وبمراحل عن ماقُدم هنا ! عرفناك شاعر رائع .. كنت منافس قوي في مسابقة التصوير الشعري وكنت من أفضل أربع شعراء .. وحصلت على المركز الأول في مسابقة من غير نقط . وقرأت لك قصائد رائعه .. لكن ماقرأته هنا .. الله يعلم أنك فاجأتني . أتمنى أن تعود كماعهدناك سابقاً دمت بخير . |
اقتباس:
أخوي الغالي ( سعودمحمدالدوسري ) صح الله بدنك والله يسلمك يا سعود:) مشكور ولاهنت على المرور الكريم.. وتقبل تحياتي،، |
اقتباس:
أخوي الغالي ( عاشق ) صح الله بدنك.. ومشكور ولاهنت على المرور الكريم. تقبل تحياتي،، |
اقتباس:
أخوي الغالي ( يفوق الوصف ) صح الله بدنك والله يسلمك شهاده اعتز بها وابشر بكل جديد يالغالي:thumb:.. ومشكور ولاهنت على المرور الكريم... تقبل تحياتي،، |
اقتباس:
أخوي الغالي ( عبدالكريم الضبيب ) صح الله بدنك وحنا بعد نودك ونغليك وملاحظاتك طال عمرك تشرفني.. ولا تخاف تراني اتقبل النقد البناء:d وأنت أستاذ كبير طال عمرك.. واقسم بالله اني عدك نفس اخوي الكبير ولكن القصيده يا أستاذي متأكد من وزنها 100% ومستعد انزلها شيله لكن صوتي مهوب زين:d ولكن بخلي واحد من اخوياي يشلها طال عمرك.. يمكن النطق عندك يختلف انا ما أشكك بكلامك وجل من لا يخطأ وبالعكس انت استاذ واخ كبير واحترم رايك وانا اتمنى اني كل ما انزل قصيده انك تعطيني رايك فيها بالعكس انت تساعدني يالقرم.. وانا قايل لك انا اتقبل النقد البناء الهادف وانت استاذ كبير وامين حتى في نقدك يعني مو مثل بعض النقد الهدام ويشهد على الله اني احترم كلامك وآرائك ولاتفكر اني من اللي يضيقون من النقد:dخذ راحتك يا أستاذي.. وأنا آسف يا أستاذي اذا كان القصيده ما اعجبتك اعجابك مهم لي ولكن تأكد يا أستاذي أنها موزونه 100% والشطر اللي قلت عنه له نطق معين خصوصا ( لأن ) و ( صاحبه ) و (أهو) << الثلاث كلمات ذي لها نطق معين في هذا الشطر ولو تراسلني بالخاص وتعطيني رقمك انا مستعد الحنها لك واذا ما كنت تقدر ابشر انزلها شيله بصوت واحد من اخوياي:d وأشكرك على اطرائك يا أستاذي وكلامك الطيب بيض الله وجهك وانا اطلب منك امام الجميع ان تنقد اي قصيدي لي انزلها مستقبلا اذا كان فيها اي خلل او اي شي لأني أعرف ( عبدالكريم الضبيب ) وادري ان نقده بناء وامين وانت تفيدني كذا يا أستاذي الكبير.. ومشكور ولاهنت على المرور الكريم.. تقبل تحياتي،، |
أسلي القلب في طيفـه بشوفـه همنـا ينـزاح بحب الطيف يالغالي غـدا ذا القلـب مختومـي أنا لي صاحبن غالي وحبـه وسـط قلبـي لاح كما برق السما لاجـا يشـق بنـوره اغيومـي صح لسانك بدر قصيدة رائعة وبيض الله وجهك دمت بخير |
| الساعة الآن 03:38AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية