(( .. صــــــوت الوطـــــن .. ))
السلام عليكم ورحمة الله وبركاته إهداء لكل من ينتمي لهذا الوطن وقادته يامير كان الشعر مضمونه القاف = أنت الشعور اللي كتبنا بالاشعار أسمى المعاني تنبت أحلام وارياف = واشراق وجهك يبهج قلوب وانظار رمز المواقف والتسامح والانصاف = رمز الشجاعه والكرامه والاصرار موج البحر وان زاد موجك له أضعاف = برق ورعد كلن يخيله بالاقطار دام المراجل صيت وافعال واسلاف = ذيب اعتلى وان قلت صقرٍ من أحرار اليا شلع حرن على العز ميلاف = كنه يصافح دعوة الناس الاخيار كان الوفا والطيب : هقوه وميقاف = له بالكرم والجود : قيمه ومقدار وكان الحقيقه للغلا حرف وغلاف = نزف القوافي بالورق مثل الامطار وكان الشقا والهم والبعد ميهاف = كيف الذي صارت حياته بالاخطار؟ لاجيت أبوصف موقفه هاجسي طاف = على الخيال وعانق الصمت محتار لـو أنتمائي (للوطن) مثل الاطياف = ماجيت أصوّر لونها غيم واعصار معالم الفتنه على كل الاطراف = تشعل فتيل الشر وتوّلع النار والحق في كل المفاهيم سيّـاف = والسيف لاعناق الرديين بتار هذي نهاية فكر الارهاب ياكاف = اللي تنّكر وانجرف خلف الاشرار واللي تمادى بالجرايم والاجحاف = صوت الوطن : (يامال قصاف الاعمار) هذا شعوري بين الاخلاص والقاف = يوم المشاعر ترجمت صمت الافكار : : : العطـــــــــاويه |
الغاليه الشاعره العطاويه اسعدني ان اكون اول المصافحين لهذه القصيده بسلامة سمو الامير محمد بن نايف بن عبدالعزيز سلمتي على ما كتبتي من شعر نابع من وطنيه بحته وما اقول الا صح لسانك وعلا شانك ولا هنتي تقبلي تحياتي |
الله الله الله ابدعتي ... العطاويه
صح فكرك قصيده رائعه واللي تمـادى بالجرايـم والاجحـاف صوت الوطن : (يامال قصاف الاعمار) هذا شعوري بين الاخـلاص والقـاف يوم المشاعر ترجمت صمت الافكـار دام اخلاصك ومشاعرك وقافك صح لسانك وقلبك وروحك ودام فكرك المبدع ما قصرتي تحياتي لك رهب |
صح إحسـاسك
|
الاخت العطاويه احساس وشعور وطني اكثر من رايع صح لسانك وعلا شانك ونحمد الله على سلامت سمو سيدي الامير محمد بن نايف من هذه الفيه الضاله وجعل كيدهم في نحورهم تحياتي وتقديري لك |
[table1="width:95%;"] | [/table1]شاعرتنا المتألقه " العطاويه صح لسانك وأعتلا شانك على هذا القاف الراقي كلمات كتبت بماء الذهب فـ لله درك شاعرتنا الغاليه وليس بغريب عليك أنتي وبنات الحمايل هذه الوطنيه تقبلي خالص التحيه والإعجاب بماخطت يمينك |
شاعرتنا الغاليه العطاويه
صح لسانك وعلى شانك لاهنتي على هذه الكلمات المعبره عن روح الوطنيه التي نحملها جميعا ابدعتي ماشاءالله دام نبضك وابداع قلمك الف شكرلك حفظك المولى |
الـعـطـاويـه أبـداعـك يـفـوق الـوصـف واحساسك يجسد مضمونك وانتماءك دمتي مميزه ودام هذا الوطن بعز وشموخ ____ . |
هذا شعوري بين الاخـلاص والقـاف=يوم المشاعر ترجمت صمت الافكـار العطـــــآآآآآآآآآآآآآويه صح لسأنك |
العطاويه
لازلتي تلازمين الابداع قصيده اكثر من رائعه وتقبلي تحياتي ومروري |
الساعة الآن 11:15PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية