عذب القصيد اللي معانيه تنساب = على خيالٍ غيث الاحساس يسقيه
مايقبل التغريب .. لو هاجسه غاب = حرن عزُوف . وفزة الحي تحييه
شف كيف كان؟ وكيف له خاطري طاب=صوت الوفا صحّاه وأقبل يغنيه
لا هان رأسٍ للوفا .. شّرع الباب = صيته قبل لا أدوّن أسمه : يسمّيه
في كلمته ميثاق لاقراب وأجناب = وفي ضحكة حجاجه بشاير لداعيه
اليا نخيته ما تردد .. ولا هاب = صوت المنادي من منامه يصحيه
كله وفا ؟ ماهي مباهاه وأكذاب = يوم الردي عزمه عن الطيب يثنيه
كم وأحدن ظنه أبعض العرب خاب=ومن يعتزي باللاش خابت هقاويه
والا زبون الكايده .. عز الاصحاب=ناديت بأسمه وأعتزى عز ناصيه
من قبل صوته يلفت أنظار الاعجاب؟=أقبل مثل غيثٍ حقوقه مناشيه
هذا الكلام وكل جملة لها أعراب؟=خلك معي ياللي صدى الصوت توحيه
أبن فهد : (فهاد) فكاك الانشاب= هو الذي مدحي .. يخصه ويعنيه
شيخ المواقف وقفته تجلا الاتعاب = عز الدخيل اللي قسى الوقت حاديه
من طيب ساسه عاش للطيب طلاب=جيّر لجزلات المكاسب مساعيه
ماهو غريب الطيب ؟ مثله ليا طاب = المجد ساسه .. والطنايا مراكيه
أوجزت فيما قلت ؟ يأصحاب الالباب= قولٍ ينومس كاتبه قبل قاريه
قلته وأنا ربعي .. عريبين الانساب = (عيال وايل) عز منهم عوانيّه
وأن جيت أخص أدنى أربوعي والاقراب=(رويل) ساس الطيب وأسمى معانيه
(رويل) عزي . والفخر . بيت وأطناب=على الوفا والعز شامخ مبانيه
هم تاج رأسي بالمواقف ولا هاب=أفخر بهم والشعر تفخر قوافيه
وأن كشرّت سود الليالي بالانياب=أدنهم اللي شامخ المجد يدعيه