يا شوق عيت ضروف الوقت تجمعنا =الوقت يمشي وحنا ما تلاقينا
سافرت يا شوق ما حتى توادعنا = وضروف الايام حالت دون امانينا
ما ينفع الدمع لو سالت مدامعنا = ولا ينفع الحزن لو تكثر مراثينا
مال الزمن فوقنا واخلف روابعنا = وتكللت بالفشل كامل مساعينا
الحزن بين علينا لو تصنعنا = سعاددة (ن) مالها بقلوبنا مينا
ماملت انيابنا من عظ اصابعنا = لو مل درب الشقا من مشي رجلينا
وجنوبنا ما تهنت في مضاجعنا= والحاضر المر كدر حلو ماضينا
ولو قسوت الوقت ترهقنا و توجعنا = نمشي على العز ما نخلف مبادينا
على الشرف والمحبه مالها معنا = بلا شرف والشموخ اسمى معانينا
وحب الشرف في سما العشاق يرفعنا = حب يخلد حكايتنا واسامينا

الله على جمال الكلمات في هذه القصيده الشامخه
صح لسانك وعلى شانك
الشاعرالقدير
عواض العازمي
لاهنت وبنتظار مايفيض به قلمك من ابداع
كل الشكروالتقدير
ودمت بخيرومحبه