لم اجد ارقى من اسمه شخصياً= كـعنوان راقي
لقصيدة اتمنى ان ترتقي لسمّوه

الشعر لو يروي بكل احواله=يمدي هماجه مستوي و زلاله
والشاعر اللي ما يصيد الشارد=يرتاح ويخلي الشعر لرجاله
وانت الامير اللي غني عن مدحي=لكن هذا الواجب وحنّا عياله
يامرحبا بك عد نجم ٍ عالي=ومن طاف بيت الله ومن يعناله
وسلامتك مما اعتراك وصابك=حفظك ربي من الزمن واهواله
نواف واسمك ماهو اسمٍ عادي=لا عدّت الاسما يعدّ لحاله
وفعلك ليا دار الرحى يشهد لك=تفتل وتنقض فالزمن وحباله
حفيد من عنده تنوخ الصعبة=و إن ثارت الهيجا يظل ظلاله
محمد الاحمد زبون العليا=ما تـنّـسى طول الزمان افعاله
فالحرب منه تهاب كل خصومه= وفالسلم غيث ٍ ما يهيد اخياله
وفالشعر له جواهر ٍ مكنونة=تغنيك عن تاريخنا و اجياله
هذا بعض واللي بقى ما يحصى=قلته مادام ان القصيد رسالة
والعذر لا قصّرت فيما قلته=عساه يوصلني الرضا و يناله

الغالي
الشاعر
عبدالرحمن السميري

الله يسعدك ويوفقك لكل خير

العنوان اجمل عنوان كما القصيده

واقرب قصيده من عنوانها لقلبي هذا

اليوم وبقلب كل محب لنواف الله يحماه

ونحمدالله انه بخير وعافيه ويستاهل

وانت وفيت وكفيت وما قصرت ولاهنت

وصح لسانك وعلا شانك يالغالي

وتقبل تحياتي

وانت الامير اللي غني عن مدحي
لكن هذا الواجـب وحنّـا عيالـه