ماعرفت الحب لين الحب جانـي = ماعرفـت الجـرح إلابهالسنيـن
سيد الأكـذاب يالقلـب الأنانـي= اناأقسى وعمـر قلبـي مايليـن
من عرفتك ماعرفت إنسان ثاني =وماتلّفـت لايـسـار ولايمـيـن
الفرح من جور غدرك قد نساني = وأنت تدري وأنت سيد العارفيـن
ودي اعرف من خذت منّي مكاني =من هي اللي لحبها خنت السنيـن
من هي اللي بسحرها قلبك نساني =من هي اللي حبتك مـن كلمتيـن
الله أكبر كيف روحـك ماتدانـي = بعـد عنهـا لوثوانـي ياللعيـن
ماألومك شخص مثلـك يالأنانـي =مايداني شـم عطـر الياسميـن
الغرام بداخل إحساسـي ملانـي =وأنت حبي داخل ضلوعك دفيـن
لاتفكر بالرجـوع ولـو ثوانـي = حتى لو بيّن على قلبـي حزيـن
عزتي هي راس مـــالي في زماني = ولي شموخٍ ماليٍ عــرق الوتيـن
بعض منّي سطّر احساسي لساني = وكل كلّي للظروف اصبح مديـن
الله اللي عزّنـي ووقـر مكانـي =والله اللـي ذل كـل الظالمـيـن

:::

::

:

الغاليه
الشاعره
عيون الفجر

الله انه يسعدك بجميع اوقاتك ويوفقك لما فيه الخير

وسعدت كثيرا بمروري على متصفحك ومصافحة

قصيدتك القويه والرائعه بما فيها من شموخ وعدم خضوع

وما اقول الا صح لسانك وعلا شانك ولاهنتي


وتقبلي تحياتي

عـيــــــــــــون الـفـجــــر

تحياتي وتقديري

قصيده شامخه بعزة نفس

واعلان لعدم الرضوخ

صح السانك

ودمتي بوود

عيون الفجر
صح لسانك ولاهنت
مودتي