القلب صوب آل حسن ياسعود منحازي=قبيلتي يابن عمي وافتخر فيها
إن كان بمدح بجيب المدح اعجازي=لا والله إلا جميع المدح طاريها
آلاد حسن(ن) ذراي اليوم واعنازي=لاحل وقت القشر بالروح نفديها
تقمع عداها وتاطى غارب الغازي=ياشيب عين الذي فكر يعاديها
ياسعود روح وبلغ هتلر النازي=يترك جيوش(ن) على الكبتي يسريها
إن كان يبغى ديار القوم يجتازي=ينصا قروم(ن) تبيض وجه ناصيها
ماكل منهو يخوض المعركه فازي=إلا قروم(ن) عداها في مواطيها
يوم الحرايب يعود المعتدي خازي=كل الذيابه تعشت في مغازيها
لاشفت سود(ن) عليها رسمة الكازي=سلم على لابتي بأقصى مفاليها
دخيلهم يامن ولاهوب معتازي=في ظل ربع(ن) تشرفنا عزاويها
فالسلم سلم وبفعل الطيب تمتازي=من طيبها تغتني والله مغنيها
يكفي كرمها على اعلى مرتبه حازي=دثر الشحم عادة(ن) يملا صوانيها
آلاد حسن(ن) زحول ارجال واعزازي=قبيلة(ن) تفتخر فيها أراضيها
المدح واهله ترا ياسعود ينجازي=كد قالها اللي حقوق الناس يعطيها
ان قلت هرجي يجيك الهرج ايجازي=يكفيك ربعك جميع الناس تغليها
قلت الحقيقه وقول الحق مركازي=والحق عند العرب بأعلى مباديها

ونعم والله فيك وبقبيلتك وبالقبايل جميع

تقبل مروري

.

.

المشاركة الأصلية كتبت بواسطة خلف الشلهوب (المشاركة 88506) وعليك السلام ورحمة الله وبركاته هلا وغلا باخوي الشاعر القدير بدر بن صقر العجالين كفو كفو كفو والنعم والله فيك وفي ربعك يالذيب صح احساسك ولسانك على هذه القصيده الشامخه بشموخك والله يعطيك العافيه قصيده جزله من شاعر جزل قالها في من يستحقها تحياتي واحترامي