مجاراة لـ (وشاربٍ كاس الهوى حتى الثماله ) للشاعر بن عريمه
بسم الله الرحمن الرحيم اتشرف يكون اول موضوع لي في هذا المنتدى الرائع بمن فيه هو مجاراتي للشاعر المميز والقدير عبدالله بن عريمه
مدري ان حب البنيه تل قلبي واستماله = لين جرحّني المفارق واشغلت فكري بنيه كنت أفكرها حاله وتنتهي مثل اي حاله = والمحبه المحبه تسري شويه شويه ماسهر جفني ولا بيت القصيد اشغلت باله = ولافلج صدري الهبوب ونسمة الليل العذيه ألاّ من ذيك الهنوف هياام قلبي واانشغاله = جعل يسقيهاا ليالي الوصل هماال برديه أيه احبه وشاربٍ كاس الهوى حتى الثماله = رغم كيد الحاسدين ورغم انف العنجهيه ريف قلبي ونور عيني والسلاله السلاله = بنت من روس القبايل يعربيه يعربيه المناسب تحتويها وتجتمع فيها الأصاله = علمت هيل المكارم كيف فوح الشاذليه اسعد اللحظات كيف اوصفك يالحظة وصاله = عندها تغيب المعاني والحروف الأبجديه اه ياوجدي عليها كل مانسنس شماله = وجد من خانه زمانه وانسجن عيد الضحيه ووجد من شاف العداوه من عمام ومن خواله = ووجد من سااق معروف وعوّدت حسنااه سيّه اخواني أعضاء وزوار هذا الصرح الشامخ : أرجو أن ترقى هذه المشاركة والمجاراة لمستوى ذائقتكم
عزتي للي تولع في هوى الزين ودلاله =منشغل فكره وقلبه ينبض بحب البنيه يشرح بنظم القوافي ماحصله ما جراله = وفي قصيده يشكي الحال المعنى من خويه قال انا عاشق وهايم في هواه وفي دلاله = اتعبتني وذبحتي بالعيون النرجسيه عزتي لك كل ماهب الشمال او جا مجاله= حبك الصادق لها بيوردك حوض المنيه والحبيب اللي تعيش احلامك بلحظة وصاله= ماهقيت انه عليك بيبخل بلحظه هنيه اقطف الورد ابطلوعه لاتهيا لك لحاله= لاتضيع فرصةلك دام نار الشوق حيه ثم تذوق من شهدها صافيه واترك حثاله=وارتوي منه بلحظتها وقل احلى تحيه وانصحك يابن عريمه اترك الحب ووباله= شور مني يابن عمي خابر عزومك قويه انت شيخ ونسل شيخ ماخذ منه الشكاله=انت عزوة من جهده الوقت وحضوظه رديه حر يعجبني هداده ناتبه جده وخاله = والحباري ماتبين لاشهر فوق البريه لو مشيت الكون كله من جنوبه لاشماله=ماتلاقي في هواهم مخلصين الاشويه امس تلقاه هايم في هوى ريمه و هاله= وباكر تلاقيه مع هيفا يعيد المسرحيه مكسبي في دنيتي هي طاعة المولى واساله = يغفر ذنوبي ولابه من يعش بلاخطيه محبكم ( ابونواف) |
الشامخ صح لساانك ولسان ابن عريمه
مجاراه رائعه بروعة تواجد قلمك الجميل ابدعت وتقبل مروري ودمت بود |
الشامخ
صح لساانك ولسان ابن عريمه مجاراه قمه كفيتو ووفيتووو تقبل تحياتي |
اقتباس:
مشكور يالغالي على مرورك اللي عطر المشاركه والف شكر من الاعماق |
اقتباس:
عبدالله الرقاص مشكور على مرورك الطيب اللي تشرفت به ويعطيك العافيه على تعليقك الطيب ونبيك تعزمنا على شاهي سريع سريع ياعبدالله :r0o0t (65): |
اقتباس:
هلا بشامخ وبمجاراته وانت شاعر ونهجك ذكرني بشاعر اخر واسعدني مجاراتك اخوي شامخ وقصيدتي هذي من الارشيف القديم المتجدد ونت خليتني قيس بن الملوح :) ابداا المسألة شعر ونشر ومااذا يريد المتلقي نعرضه ولاانكر الحب في قلبي بل انا من احب بصدق وبعفه ولايوجد تناقض بين الغزل العفيف وطاعة المولى تقبل تحيات اخوك عبدالله بن عريمة |
اقتباس:
حياك الله ياشاعرنا وانا كان لي الشرف في مجاراتك واتمنى ان تكون المجاراه حازت على اعجابك ورضاك تقبل مروري |
هلا وغلا اخوي شامخ نورت منتداك.. صح لسانك واحساسك مجاراه رائعه لشاعرين قمه وصح لسان عبدالله ابدعتو لا حرمنا الله تواجد الجميع وطرحهم وتقديم كل يعود بالنفع لنا وللمنتدى وحياكم الله جميع ولا تبخلو علينا بوجهات نظركم وارائكم كلنا عيون ساهره لكم .. وافر التحـايا لك ويا هلاا بك رهب |
اقتباس:
الشاعره رهب مشكوره على ترحيبك الحار الله يحفظك ونورك يكفي المنتدى عن كل الانوار وشهاده شاعره بحجمك على على مشاركتي تعتبر وسام شرف للقصيده وشاعرها وتسلم لنا العيون الساهره من اجلنا. |
هلا وغلا اخوي شامخ نورت منتداك..
صح لسانك واحساسك مجاراه رائعه لشاعرين قمه وصح لسان عبدالله ابدعتو لا حرمنا الله تواجد الجميع وطرحهم وتقديم كل يعود بالنفع لنا وللمنتدى وحياكم الله جميع ولا تبخلو علينا بوجهات نظركم وارائكم كلنا عيون ساهره لكم .. وافر التحـايا لك ويا هلاا بك |
الساعة الآن 08:23AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية