لا لا تقوليـن آسفـه غلطـانـه=منك الاسف عندي فلا له خانـه
لا لا تقولي ما قصدت ازعاجـك=ازعاج مثلـك ينشـرى يادانـه
ما من خطا في دقتـك لا هنتـي=اصلا ..انا .. انتـي دوا شريانـه
دقي ورقمي فدوتـك يـا ترفـه=والقلب لاجلك شرّعـت بيبانـه
يا مرحبا بالصوت مبـدا يومـي=صوت ٍ رهنّي فـي هـواه رهانـه
صوت ٍ يجـدّد مبطيـات امالـي=صوت ٍ تعذّر لـي برقـم فلانـه
صوت ٍ علي صبّح بصوت ٍ نادي=لا يا صبـاح الخيـر يـا فتّانـه
يرن صوتك فـي خفوقـي دايـم=رنّة غـلا يـا داعجـي اعيانـه
يشدّني شـي ٍ جهلـت اسبابـه=في صوتـك اللـي تلّنـي تحنانـه
لا دق جوالـي حسبتـه رقمـك=وافز فـزة مـن فقـد ورعانـه
هذا لاني سابـح ٍ مـع طيفـك=مـع همسـة ٍ شفقانـه ٍ ولهانـه
وشلون لو شفتك وشفت وصوفك=يا مـن لبستـي للدلـع تيجانـه
اكيد عين اللـي زمـى مرقابـه=حـر ٍ تزمِّـه للسمـاء جنحانـه
واكيد جيـد اللـي تذيّرخايـف=ظبـي ٍ تعدّيـه الخطـر سيقانـه
واكيد خـد الجـادل الرعبوبـه=بنت ٍ وابوهـا يرتكـي لاخوانـه
واكيد حب اللول يا مبسمهـا=مبسم هيا لا مـا يصـف وزانـه
واكيد مجـدول ٍ يشـادي ليلـي=ليلي وانا اللي بالهـوى سهرانـه
واكيد عـود المـوز يـا معْزلهـا=ممشوقـة ٍ مهلـوفـة ٍ رويـانـه
اليـا اقبلـت تفاحتيـن ولـبـه=واليـا مشـت بقفايهـا مليانـه
واكيد عن بـاق العـذارى نفتـي=سبحان رب ٍ صـورك سبحانـه
واكيد انا صـرت المعنّـى فيمـن=جدد جروحي في شـذى ريحانـه
يا لعنبو جـد القصيـد ان كانـي=ما بحت سـدّي مـن ورا قيفانـه
فيمن سحرني فـي نبـاه وحسّـه=كنّه على القيفان صـاغ الحانـه
صوت ٍ تعذر لي وانا وش عـذري=من خافق ٍ عيّـت تهيـد اركانـه
لكن مع الايـام كـوده يسلـى=قلبي من اللي سكّـرت غلطانـه
كوده وليته .. والصحيح الواقـع=ان الهوى فينـي فـرض سلطانـه

.

شعيل
.

الغالي
الشاعر
محمد بن صقيران

اولا ارحب بك واشكرك من الاعماق على

حضورك المبهج بمنتديات رهب الشامخه

ومصافحه اولى من قصائدك الغزليه الجميله

فانت شاعر غني عن التعريف وشاهدتي

لك مجروحه ولكن شعرك يفرض نفسه

واي طرح لك اراه الاجمل والاروع لما

به من المضمون والمعاني الجزله الرائعه

وصح لسانك وعلا شانك ولا خلا ولا عدم


وتقبل تحياتي

المشاركة الأصلية كتبت بواسطة ابراهيم صخري الغريب (المشاركة 101906) الشاعر القدير/ محمد بن صقيران. قصيدة جزلة ..من شاعر جزل وحياك الله بين إخوانك