|
عروسة الصحراء
مصافحه بعد غياب عسى ان تشفع لنا امام سمو ارواحكم الطاهره
جيت الكويت ... وردني يمك / الشوق ياديرةٍ في نجد ... ريضان / وفياض افز / واصحى / وافتح العين / وافوق لامن دعاني داعيٍ ... صوب الرياض عروسة الصحراء .. بك الحسن مخلوق وخطاب ودك جوك .. ماشي / وركاض تبختري / تزيني / والبسي .. الطوق يامزنةٍ / وسط السماء ... برقها ناض انتي النظر/ وانتي العمر/ وانتي الذوق تستاهلين / العز ... يا طهر ... وبياض ارضك ... سماها ... كلها رعود / وبروق عسى / ثـراها / بالهماليل ... تعتـاض ياديرة / معزي / لك ... حقوق وحقوق نعشق ... مرابيعك ... برادٍ / ومقياض قولي / وطولي / وارفعي هامتك / فوق ولا يزعجك .. بالهرج .. حاقد ومغتاض بين الديار ... وبينك ... فروق / وفروق منهو يقول / الحاضر / يشابه الماض ياسامعي .. لاصرت ضايق / ومزنوق شد الرحال ... وهيتنا... صوب الرياض تلقى الكرم / تعقل له / الحيل و النوق وتلقى النشامى لـ اقبل الضيف تهتاض وفـلة حجاج ... وكل مطـرود / ملحـوق وقصايدٍ ... ما بين ... فاتل / ونقاض فيصل بن جزاء المعذرة لعدم التنسيق وهو بسبب دخولي من جهاز ايباد |
الغالي الشاعر فيصل بن جزاء حياك الله وعذرك مقبول واشتقنا لك ولقصائدك والله انه اسعدك ويوفقك بجميع اوقاتك بكل خير سرني واسعدني ان اكون اول المصافحين لهذه القصيده الاجمل من جميله والاروع من رائعه وتستاهل الرياض من يضع لها معلقات وفيت وكفيت وصح لسانك وعلا شانك مليون ولا يكفون وتقبل تحياتي |
فيصل بن جزاء الحمد لله على سلام الوصول وصح السانك |
صح الله لسانك وسلمت يمناك يالغالي
ابيات في الصميم وانا اشهد لاتبخل علينا بجديدك ودي لك ودمت كما تحب |
صـــح لسانك شاعــرنا تقبل مــروري تحــيتي |
| الساعة الآن 05:28PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية