(((((((((غــزه))))))))))))
لجرح غزه والصمود الي نستمد العزه منه ومنهم العذر ولقلب كل صامد نقي والله مدري وش اكتب ياثرى غزه=محتار قولي عن اصرارك ومديني عن قوعزت شموخـ(ن)عرضه منزه=ماهو مثل صمت مليار(ن)يبكيني صرخت بحروف شعر(ن)رمحه اغزه=بصم الا ذاني والابه شخص يوحيني يعرضون جرحك على التلفاز ويخزه=مليار مسلم وأنا لوهي بكت عيني مالي جدى الا الدعاء والخاطريحزه=تألمك وقت عجزن يقصر يديني وحكامنا بشوت بالقمات مرتزه=وتسكت الشعب وتلين قسى اليني ومن بعد القمات تغلق جلسة المزه=ويصرح الناطق بصوت المواسيني لكن نصرك من الخلاق له حزه=والله يقبل دعاء يمام المصليني يوم اليهودي لبد كنه صدغ وزه=بعد سمع منذره ثنا الكراعيني وبرك عقب عنفوانه ذل ماعزه=قوت اسلاحه وتشجيع المواليني شف يالحماسي صاروخك من صرخ هزه=بمجرد الصوت يلبد عقرب الطيني والي ورى الحشد نعرف كذب من دزه=لوهو يطبطب من كبار الثعابيني ولوفيه من معتصم شفنا لهم فزه=والحر يفرد على النخوه جناحيني |
الاخ الغالي الشاعر خلف المهيلان صح الله لسانك ونبضك الرائع
تقبل مروري اخوك عبدالرحمن الدوسري |
عبدالرحمن ابوزايد هلابك
يالذئب سعدت بطلا لتك ومرورك وعطره كن بخير والله ياعبدالرحمن مايحدث لخواننا يدمي القلب ولكن دعواتكم لخوانكم ولا تنسون ان فيه ملك موكل بالدعاء ويقول ولك مثل ذالك كن بخير وبالقرب دايم |
احساس راقي مغلف بروح الاخوه الاسلاميه بهذا النص الفاخر
تعايش وجداني عميق لامس الجرح النازف اخي واستاذي القدير دم بحب وحفظك الرب |
اقتباس:
خلف المهيلان صح لسانك و فكرك وايمانك وغيرتك يشهد الله اني سجلت دخول بس عشان اقولك صح لسانك يالذيب . |
صح الله لسانك ولاهنت
الله يرفع قدرك وذكرك على الابيات الجميله |
القدير عادل هلابك
الله ينصر اخواننا بفلسطين العزيزه على قلوبنا دعواتكم لهم بالنصر والثبات |
لكـن نصـرك مـن الخـلاق لـه حـزه والله يقبـل دعـاء يمـام المصليـنـي اميييييييييييييييييييين صح لسانك اخوي خلف والله يجزاك خير على هالابيات المغلفه بحزن على اخواننا في غزه |
سلطان الرجا ياهلابك
ويشهد الله اني سعدت بطلا لتك وعطر مرورك يالذئب ويشرفني متابعتك والله ينصر اخواننا وجزية خيرعلى دعوتك ولاهنت على الوقت الي اخذته منك بطلا لتك الي اتشرفت بها عزيزووغالي |
الشاعر خلف المهيلان صح لسانك على هالأبيات الرائعه قلوبنا مع غزه وحسبي الله على كل ظالم ... هــــواجس |
مالي جدى الا الدعا والخاطر يجزه
تألمت وقت عجز(ن) يقصر يديني وحكامنا بشوت بالقامات مرتزه وتسكّت الشعب وتلين قسى الليني ( بشوت وبناطيل وقمصان وعمايم ) !! وألقاب وشعارات فارغه !! في ظل قتل الأطفال والنساء والشيوخ والأبرياء العزل ولازالوا خنازير الأرض مستمرين في هذه المجازر وهذا الهجوم البربري . ودعواتكم جميعاً لأهلنا في غزه .. لأنهم الآن يستعدون لهجوم بري بعد القصف الجوي (اللهم أنصرهم يارب ) صح لسانك .. والله ينصر أهلنا في غزه الصامده . غزه .. الشوكه اللي بقت في حلوق الصهاينه . شاعر رائع أخوي خلف .. ومن تألق إلى تألق .. الجميع يتابع أبداعك وأنا واحد من معجبينك . تحياتي لك . |
احساس راقي مغلف بروح الاخوه الاسلاميه بهذا النص الفاخر تعايش وجداني عميق لامس الجرح النازف اخي واستاذي القدير دم بحب وحفظك الرب |
مشكور اخي الشاعر خلف المهيلان على احساسك وتفاعلك مع اخواننا الفلسطينين والمغلوب على امرهم بهجمات اليهود الله يبيدهم وينصر الفلسطينين على كل مستبد صح لسانك وعلا شانك وتقبل تحياتي |
ريما صح بدنك اللهم انصر اخواننا والا ومرانا ماعندهم ثقه بنفسهم مليار مسلم يخذل اخوانه اثر ماعندنا احد ؟ وحنا نحسب عندنا احد ؟ |
سامي هلابك دعواتك لخوانك
وشكراً لطلا لتك ومرورك وعطره يابو وئل عزيزووغالي |
الساعة الآن 06:48AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية