يا فاتنه في زحمة هموم دنياي = انسى تباريح الهوى بابتعادي
اصارع الرغبه واراجع خطاياي = واعيش عن كل المشاكل حيادي
صدفه 0 وتحريك السبب فعل يمناي = قتل الفراغ شوي كان اعتقادي
لكنها صارت 0 ووقعت برضاي = صك انضمامي للهوى وانقيادي
وانتي تحطين المحابيل لإغراي = وانا كما طيراً مناه الهدادي
يا فاتنه حبك فتني وش الراي = سيطر على قلب الخطا لا ارادي
اشتاق لك شوقاً تضمه حناياي = شوقاً رعى قلبي سوات الجرادي
ان ذعذع الغربي عليل وعزف ناي = عبرت عن حالي بصفق الايادي
يا فاتنه بحماك شكواي ودواي = قلبي تعلق فيك هذا الوكادي
يا فاتنه يا غاليه قرّبي جاي = صبري على بعدك بدا بالنفادي
قصايدي ودموع عيني هداياي = وانتي هداياك الحلا والعنادي
يا فاتنه انتي عذابي وليلاي = وانا الملوّح بالسنين العوادي
بين العراق ونجد سارت مطاياي = دليلها راسي وللعيس حادي
تجملي ياغاية القلب ومناي = وصلاً يتوّج بالرضا والودادي
هايم واقدم لك بطاقة تحاياي = ورسمة سهم حبك يقطّع فوادي
الناس تجهل وش حقيقة نواياي = انا انعزالي 0 راحتي بانفرادي
اعيش ما بيحت خافي خفاياي = عيباً على اللي بالمجالس يدادي
ما يعلم الا عالم الغيب مولاي = ربي ومعبودي عليه اعتمادي

المشاركة الأصلية كتبت بواسطة متعب (المشاركة 204678) عبدالله المفضلي صح ألسانك على الجزاله والشاعريه والقصيده الاكثر من رائعه لاعدمناك تحياتي

المشاركة الأصلية كتبت بواسطة غيفارا (المشاركة 204682) يا فاتنه في زحمة همـوم دنيـاي انسى تباريـح الهـوى بابتعـادي اصارع الرغبه واراجـع خطايـاي واعيش عن كل المشاكـل حيـادي عبدالله المفضلي صح ألسانك على الجزاله والشاعريه وتحياتي

المشاركة الأصلية كتبت بواسطة سفير المعاني (المشاركة 204706) الغالي الشاعر عبدالله المضلي الشمري انا امام نص شعري لا يجيده الا الشعراء المتمكنين بكل جوانب الشعر رائع رائع وما اقول الا صح لسانك وعلا شانك وتقبل تحياتي