|
ياشيب عيني من يسد بمحله
جديدي .. آمل ان يحوز على رضاكم ،، ،،
الضيق حاصرني من ادناي لأقصاي= والشوق فيني زوّد الطين بله من عقب راح اللي مواصيله دواي=واقفا وخلا باالمعاليق مله اتلى العهد به يوم صمّـــل على اقفاي=واشهر بوجهي سيف بعده وسله قلت السبايب ؟.. قال ماينفع احكاي=الحاصل ان الحب غاليك مله قلت بسهوله !.. قال كيفي ولي راي=ماعاد نبغى لك قصايد وشله قلت المحبه !.. قال لله شكواي= الحب لأمي وانت حبك مذله قلت اوصلت بك !! .. قال يازود بلواي=انا اشهد انك ترفع الضغط عله واقفا وقال ارجوك لاتتبع اخطاي= لأني كرهت الحب دقه وجله!! واقفا وانا من صدمتي فترت اعضاي=ياشيب عيني من يسد بمحله راح الحبيب اللي مواصيله دواي=واقفا وخلا باالمعاليق مله |
الشاعر / شبيب السبيعي لا ياعسى ماتشيب عينك يارب عساه تهنى بالي تبي صح لسانك وعلا شانك وسلم بنانك طال عمرك قصيده معبره جدا لاهنت |
شبيب
صح لسانك دائمن مبدع تقبل مروري تحياتي |
صح لسانك
ياشبيب ابدعت لاهنت تحيتي وتقديري |
جزل جزل
صح لسانك حتى ترضى لاهنت |
شبيب السبيعي
مبدع وقصيدتك من أجمل ما قرأت وأعجبتني صراحتك فيها تحياتي باريسي |
الغالي
الشاعر شبيب السبيعي الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده الرائعه من شاعر متمكن وله باع طويل وصح لسانك وعلا شانك مليون ولايكفون تقبل تحياتي |
شبيب السبيعي
نص جميل يحمل مشاعر صادقه وشهادتي فيك مجروحه صح السانك تحياتي |
لينا
يعطيك العافيه على هاالمرو ر الكريم ودائماً ماتكوني السباقه لمصافحة متصفحي وهذا يشرفني دمتي بخير |
الرائع شبيب السبيعي
صحت روحك على هالابدااع متميز كعادتك تحاياي |
| الساعة الآن 09:48AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية