قلبي وأعرفه يامنى قلبي صديع=وأن ضدني سويت نفسي ماسمعه
كل خوفي أنه من سواليفه يضيع=وان ضاع محدن لاحقه بالمنفعه
ان قال لي حبيت جا حبه فضيع=يحب من كله وأخذ عقلي معه
من لونه الأخضر غدا كنه ربيع=والحب به فطره ولا أحدن يزرعه
يعيش بالأمال ويحب البديع=وان جار وقته فالدواسر مرجعه
ان حب له محبوب جا ذوقه رفيع=ايعرف كل الزين محدن يخدعه
مكفول والمكفول جيد مايميع=عنده شهاده بإعتماد اموقعه
يباري الأحباب فالخط السريع=درب المحبه خابره ماضيعه
وان طبق الطبلون...(لعيون الجميع)=مرور حبك ماتحدد موقعه
يشري المحبه ثم لايمكن يبيع=وان طاح عهد الحب دايم يرفعه
وان كان حديته ترا ما يستطيع=يكفي فراقك لا تهيض مدمعه
طاوع زمانه مير عيا لا يطيع=والمهر لو بيده..حرام أن يدفعه!
أصبح هو المحكوم والحاكم شنيع=حكومة الأيام ماصفت معه
وأنا مع قلبي أخاف إنا نصيع=ان غبت عنا يارفيقن نتبعه
كنك مرضعني وأنا طفلن رضيع=ورعن صغير ولايفارق مرضعه
في يوم فرقاكم خبر موتي يشيع=وإن جيت سندنا الخطا للمطبعه
ياليت فالأخبار لو أعرف مذيع=وأظهر خبر لازم تشوف تسمعه
وكانك على فرقاي قادر تستطيع=يالعنبو قلبك عسى الله يقلعه!

المشاركة الأصلية كتبت بواسطة سفير المعاني (المشاركة 115290) الغالي الشاعر بدر العجالين الله يسعدك بجميع اوقاتك سرني ان اكون اول المصافحين لنزفك الغزلي الرائع بمعانيه وجمال مفرداته وايقاعه وذلك من جمال روحك وصح لسانك وعلا شانك يالغلي وتقبل تحياتي

المشاركة الأصلية كتبت بواسطة نمر بن ودعان (المشاركة 115291) اخوي بدر صح السانك قصيدة من اعماقك تشكر عليها لاهنت,,,

صح الله بدنك والعفو يابن ودعان:thumb:

مشكور ولاهنت على المرور الكريم..

تقبل تحياتي،،

المشاركة الأصلية كتبت بواسطة شموخ نجد (المشاركة 115301) صح لسانك وعلى شانك الشاعر القدير بدرالعجالين قصيده رائعه بماتحوي من كلمات عذبه لاهنت ولاتحرمنا جديدك الف شكر لشخصك الكريم وفقك الله

المشاركة الأصلية كتبت بواسطة يفوق الوصف (المشاركة 115527) صح لسانك وعلى شانك الشاعر القدير بدرالعجالين قصيده رائعه بماتحوي من كلمات عذبه لاهنت ولاتحرمنا جديدك الف شكر لشخصك الكريم وفقك الله