مايشتـري الـورد الاعاشقيـن الـورود=ياورد لاتعشـق الا مـن يثمـن غـلاك
لاتعشق اهل الكدش ومورديـن الخـدود=شبـاب طيحنـي وباباسمحلـي معـاك
المشط والبكلـه والمـرآة خيرالشهـود=عن صفة اهل التشبه علل في مستـواك
اعشق كريم وصليب الشورشهـم ودوود=يعطش وتبقى غصونك راويـه لاضمـاك
النوو والبرق والغيمه وصـوت الرعـود=والغيث والسيل والقطر الذي مـن نـداك
من كف قرم ولد قـرم وفيـي الوعـود=لا غبرالوقت وان قاض الزمان احتمـاك
ياورد كلك غرور وكبريـاء كـل عُـوود=يا اجمل احساس يسحر كل عيـن تـراك
رمزالتواضع والوانـك تفـض الجمـود=الطيب غصنك وسرك والمعالـي ثـراك
يا فتنة العشق كاسـك لصبـي والعَـوُد=يانغمة الصبح ابيـات القصائـد مسـاك
ياورد لا شم عطرك كـل خايـن جحـود=مسموم يعجـز دكاتيـر الطبيعـه دواك
ماحل عشقـك ولاعطـرك ولا فيـك رود=لا صرت مشموم ذاب الكاس واطفى بهاك
تذبل وتذبل وتذبـل ليـن حـد البـرود=تصبح غصونك هشيم والتهم في سـراك
ياورد اعشـق ديـار امعربيـن الجـدود=مصيون من لمس الايدي والدنس والهلاك
ديار مـوزن ورمـان وربيعـن يجـود=بين البساتيـن والمـا مرحـه محتـواك
ياورد هات الكـؤوس وعـل يابوسعـود=مادام للعشـق سكـره فالثمالـه هـواك

يــــاورد اعــشــق ديــــار امـعـربـيــن الــجـــدود
مصيون من لمس الايدي والدنس والهلاك
ديـــــار مـــــوزن ورمـــــان وربــيــعــن يـــجـــود
بــيـــن الـبـسـاتـيـن والــمـــا مــرحـــه مــحــتــواك

الشاعر الخرش

صح لسانك

على هذه الرائعة