فرقـاك واقـع مــرّ ووصـالـك احــلام = والواقـع اقـرب مـن بـلـوغ الحقيـقـه
مليّـت وانـا اعـشّـم اوهــام بـاوهـام = واحــمّـــل الـتـفـكـيـر مـالايـطـيـقـه
مااقول لك جسمـي غـدا جلـد وعظـام = ولااقــول عيـنـي بالمـدامـع غريـقـه
مـجـرّد انــي ضـايـق الـصـدر مــادام = وصلك ماهـو وصـل العشيـق لعشيقـه
مرّات اقول :اصبر عسى الوصل قـدّام = ومرّات اقول: انسى الوصـال بحريقـه
كم من سنه بنعيش؟ واعمارنـا ايـام = وايـامـنـا مـاهــي وجـيــه ٍ طـلـيـقـه
مـاذوّقـتـنـا غــيــر لــوعـــات وآلام = وتـوّسـع صـــدور الـحـزانـا بضـيـقـه
اتعلـمّـك كـيـف الريـاجـيـل تـنـضـام = وتحسـب حـسـاب الثانـيـه والدقيـقـه
البـارحـه يــوم اغـلـب الـنـاس نـيّـام = قلت آآآآآآه ثم فكرّت بافضل طريقه
خذت القلم من هاجـسٍ بالحشـا حـام = ومدّيـت لــه كــف الصـديـق لصديـقـه
اروي معاطيـش الصحايـف بـالاقـلام = ابغـى الـورق مـن حبـري يبـلّ ريـقـه
يفـشّ غـلّ اللـي بصـدري مـن الـعـام = ويـفـكّ شـفـرات الـجــروح العتـيـقـه
والخاطراللي صام وافطر على صيـام = مافـيـه شــي ٍ عــن طمـوحـه يعيـقـه
ماقد نظـرت لحجـم الاشيـا والارقـام = الــورد يغـنـي عــن جمـالـه رحـيـقـه
انــا كــذا حـــازم وجـــازم وعـــزّام = والشـوك مـاردّ الجـمـل عــن طريـقـه
امـــا توّفـقـنـا بتـحـقـيـق الاحــــلام = والا الصـبـر عـلـى مـــرار الحقـيـقـه

فرقاك واقع مـرّ ووصالـك احـلام


والواقع اقرب من بلـوغ الحقيقـه


مليّت وانا اعشّـم اوهـام باوهـام


واحـمّـل التفكـيـر مالايطيـقـه



محمد بن فهد

صح احسااااسك على

هالقصيدة الراااائعة

وصح لسااان كاتبها

يعطيك الف عافية


لك شكري وفائق تحياتي