|
شيلة..انتهى المشوار
بسم الله الرحمن الرحيم السلام عليكم ورحمة الله وبركاته يسعدني ان اقدم بين ايديكم هذا النص الجديد بعنوان ( انتهى المشوار ) وأتمنى أن يحوز على رضاكم.. للإستماع للشيله بصوتي المتواضع × × YouTube - ‫ط§ظ†طھظ‡ظ‰ ط§ظ„ظ…ط´ظˆط§ط±‬‎ أقـــول : انتهى المشوار يابن الناس قدامك حدود=لان أنا جاريتك بذا الحب ثم خنت العهد نيتك ماهي على البيضا وكل مره تسود=شاي حبك كلما زينته إلحاله عقد كان تب تلعب على العالم بإنقاض العهود=ماتفوز إلا على طفل(ن) وما حوله أحد الخيانه طبع يالخاين من أطباع اليهود=كل مسلم لو فعل فعلك على نفسه نقد لا تحاول لا ترقع وفر لنفسك جهود=كان في وجهك حيا لا تفكر تسولف بعد يوم خنت الحب عندي لك على فعلك شهود=عيني وقلبي ولا فيهم أبد واحد جحد مبطي وخابر علومك ذيك مع شخص(ن) حقود=في قفاي ألين وقف ثم خطط واستعد أستحل عقلك وجيته لين بيحت السدود=ثم حاول ابتزازي فيك ثم وجهه برد ماألتفت للخاين ولا أحط حيلي فالشرود=الذي لا جيت له يركض بسرعه كالفهد خابر(ن) كل العلوم اللي تغث بعض الكبود=مير قلت أطوف الموضوع لين نحط حد تحسب أني داله(ن) ماعرف علامات الجحود=تحسب الرادار لاشاف الخيانه مارصد أقدر أسلط على مثلك من أفكاري جنود=وأفضحك في وسط ذا العالم إلى يوم الوعد مير خلك مع حبيبك جعل حبه لك يزود=جعل حقده مايولع به إلا منه حقد وإلا أنا ماهزني فعلك ولا عندي ردود=روح ومع السلامه لا ولا أحزن أبد لان قلبي ميزته فالقيض صبره والصمود=مايهمه لو يكون الجو به برق ورعد كان جات الغاب ضبعه حاولت تزعج أسود=ترتجف لاشك حيث السر في قلب الأسد ان بغيت الزين (فارق) والنصيحه (لاتعود)=يوم فرقا مثلكم لاشك هو (يوم السعد) احترق حبك وزدت النار في رش الوقود=أطلع أمن البال ياساس التعاسه والنكد وسلامة الجميع.. |
الله الله سلمت ولاهنت ياابدر صحيت كلك ولاعدمناك دام نبضك سلامي |
ان بـغـيــت الــزيــن (فــــارق) والنـصـيـحـه (لاتــعـــود)**يــــوم فــرقــا مـثـلـكـم لاشــــك هــــو (يــــوم الـســعــد) احــتـــرق حــبـــك وزدت الــنـــار فــــــي رش الـــوقـــود ** أطــلـــع أمـــــن الـــبـــال يـــاســـاس الـتـعــاســه والــنــكــد حلو يوم الانسان يتخلص من الناس اللي هم سبب عذابه والنكد صح لسانك ولاهنت |
بدر
صح لسانك على هذه الرائعه تحياتي |
الغالي
الشاعر بدر العجالين الله انه يسعدك ويوفقك لما فيه الخير اسعدني مروري على متصفحك ومصافحة هذه القصيده والشيله الممتعه بما تحمله من شعر وصح لسانك وعلا شانك ولاهنت تقبل تحياتي |
اقتباس:
الله يسلمك ومن قال لاهان يا آهات الغالية:) صحت روحك الطيبه تسلمين.. مشكوره ولاهنتي على المرور الكريم.. تقبلي تحياتي،، |
بدر العاجلين
روعه كروعة حضورك صح بوحك ولاهنت تحياتي.. |
اقتباس:
حلت دنياك يالشاعره تسلمين على التعليق وصح الله بدنك من قال لاهان:r: مشكوره ولاهنتي على المرور الكريم.. تقبلي تحياتي،، |
اقتباس:
صح الله بدنك ياعقاب:) مشكور ولاهنت على المرور الكريم.. تقبل تحياتي،، |
لان قلبي ميزتـه فالقيـض صبـره والصمـودمايهمه لو يكـون الجـو بـه بـرق ورعـد صح ألسانك لا هنت ،، تقبل تحياتي ،، :) |
| الساعة الآن 01:07PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية