لفّة ولفتّهـا لعانـه وتصييـخ=في دربها كـل الاوادم جريحـه
من طيب مجناها تقود الشماريخ=من شافها تنزل عليه القريحـه
الجد باشا والعواني مفاصيـخ=من لابتن وقت الحرايب نزيحه
في سَلمهم كل الصبايا تفافيخ؟=العشق ملّه والمشاعر صريحـه
صفّة هدبها باللواحظ صواريخ=يعطب كسلها امدبلين الشريحه
اعيال بيضان الوجيه المطانيخ=اللي لهم في كل سَفْـرَه ؟؟؟؟؟

ياصاحبي ليتك قريبن وحولـي=ونروح انا وياك يـم الأناطـر
حيثك رفيق وفالشدايد بطولـي=ومنهو تحزّم بك يدوس المخاطر
مصر (القديده) ماتحـب الذلولـي=عكس المؤّطم يمكن انّك تشاطَر
سقها على الله يالخبير الدلولي=مادامها بالطيب جبر الخواطـر
يالله بنـون مدلهمـن شمولـي=يسقي ديار امتعبيـن المساطـر
ربعن لهم في كل ترعه نزولـي=وشهب القواري لارأتهم تقاطـر
مرباعهم من جنب ديرة نشولي=لامن ضواه الليل ساق الحناطر

المشاركة الأصلية كتبت بواسطة سفير المعاني (المشاركة 65842) الغالي الشاعر ماجد مليون مرحبابك ومرحبا بما تحمله من نزف شعري فانت شاعر متمكن وشهادتي لك مجروحه ولكن الحق حق قصيدتين يفرضن انفسهن على كل متذوق وما اقول الا صح لسانك وعلا شانك تحياتي لك

المشاركة الأصلية كتبت بواسطة المتزن (المشاركة 65930) ياصاحبي ليتك قريبن وحولـي ونروح انا وياك يـم الأناطـر حيثك رفيق وفالشدايد بطولـي ومنهو تحزّم بك يدوس المخاطر مصر (القديده) ماتحب الذلولي عكس المؤّطم يمكن انّك تشاطَر ياسلام عليك يابن رويه بصراحه ابيات اخترتها ولا اجمل ولا اروع منها قصائد جزله ومن راس جزل سلمت يالقرم سلاااام

المشاركة الأصلية كتبت بواسطة رهب (المشاركة 66342) الشاعر ماجد هلا وغلا بك في مكانك قصيده رائعه وجزله من شاعر جزل لي شرف المرور من متصفحك دام تواجدك ودام نبضك وابداعك تحياتي لك رهب

المشاركة الأصلية كتبت بواسطة بدر بن صقر العجالين (المشاركة 66453) أخوي الغالي ( ماجد بن رويه ) شاعر متمكن وشهادتي فيك مجروحه.. صح الله لسانك وانت دايما مبدع.. تقبل تحياتي،،