بنت الشرف
اهلان عـدد مالاح برقن من خيال =وعداد خلق الله جنون واناســي من واحدن بالشعر نسمّعه لقال=قوله من الاشعار يبري عماسي هيضني بقوله وانا ضائق البال=ماودي اسمع للخلائق حــسـاسي ينشد عن اللي ماخذ الطيب مدهال=من لابة فالطيب حطت مراسي صافي ووافي ماتوحى للانذال= ذئـبـن مــنامه كسرتن للنعاســـي الطيب وافر لو تغير باالاشكال=كـنــه امل لا زاد هـــمـي وياســـي سبحانه الرزاق وان هلّ وبال=والرزق ماله بالصـــور اقــتـباسـي خله من الاشعار يهدر بشلال=مدام قــوله مـتشح باالــلـبــاســي ماينتقض شعرن بدا فيه فتال=يبني لـــقــافه باالمعاني بســاسي مالي على طير الشياهين مدخال=ماارمي لكاسه مارماني بكاسي ولانيب انا اللي للمخاليق نبّال=واللي يحوس الخلق لازم يحاسي وستر العرب دونه مزالايج واقفال=والسيف حده من يكسر بفاسي وبنت الشرف تفدى برجال بعقال=ماهي كتابن للـخــلائق دراســي على النقا نشرب من البن فدلال=على الزوالي ماجلسنا بكراســي الحر يجزع لكن القلب ماشال=ارفع مقامي والشرف مايـــداســي ماشلت في قلبي من الشر مثقال=واصدق بقولي لو توحيت خاسي مانيب انا اللي للبعارين عقّال=عن كل خلق الله يزود احــتـراســي استقبل الاقوال مااحب الارسال=ولاقلت قولي ماتعدى مــقـــــاسي ماقد عذلت الناس مااسمع لعذال=لكنّ طول الوقت للشر حـــاسي |
وبنت الشرف تفدى برجال بعقالماهي كتابـن للخلائـق دراسـي صح بوحك لاهنت ابدعت بما طرحت بانتظار المزيد تقبل مروري |
الغالي
الشاعر العتيبي الله انه يسعدك بجميع اوقاتك بكل خير اسعدني كثيرا تواجدي بمتصفحك ومصافحة لهذه القصيده المعبره والاروع من رائعه وصح لسانك وعلا شانك لاهنت تقبل تحياتي |
كفوو .. يالعتبيبي
صـــــــــــــح لسانك على هذه الشامخه ولا هان منطوقك وبيض الله وجهك , دام نزفك العذب |
العتيبي صح لسانك يالقرم ونعم فيك وفي ربعك عصابة راسي شبااابه كفيت ووفيت يالذيب وانا اشهد انك وافي تقبل مرور أخوك وإعجابه |
كفو يالعتيبي .... و صح لسانكـ بلاحدود
تقبل مروري ولكـ تحياتي |
العتيبي
صح لسانك صح لسانك مبدع |
العتيبي
صح بوحك ولاهنت تحياتي.. |
العتيبي
صح ألسانك حتى ترضى لاعدمناك يامبدع دمت بخير |
اقتباس:
الابداع مرورك طال عمرك لاهنت |
الساعة الآن 01:49PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية