ياليل البارحه كنك طويت من الزمـان اعـوام=بعد ذبحـي بتذكـار الفراق..وكنـت سكينـي
هقيت اني تناسيت الغـلا ماكنـت اظنـه دام=سكن كل الزوايا في حشـاي وفـي شرايينـي
اهاجر واثري انـي كـل ماهاجـرت بالايـام=اهاجر بالجسـد واتـرك خفوقـي مايخاوينـي
بقى كنه معلق في نحـر مـن كانـت الالهـام=لشعري لاكتبت وكـل ثـورة مـن براكينـي
يجيب الفجر عذبات النسيم لخاطـر(ن) مانـام=اليا حسيتهـا مـن ريحـة الغاليـن تحيينـي
تعبت اشوفهـا يا(ريحـة الغاليـن) بالاحـلام=رسوم(ن) باقيه من وجهها يصرخ ,, يناديني
تمنيت الزمـن يرجـع ورا مايمشـي لقـدام=واعيش الواقع اللي عشت فيه بماضي سنيني
مشت كل الحيـاة الا حياتـي واقفـه بهيـام=على ذكرى عجز طوول النوى يقدر ينسينـي
ملا حزني دفاتر وحدتـي واغتربـت الاقـلام=وانا كل ليـل ليلـي ينطـوي ليلـي يعنينـي
سهر ودمووع وحشه ماتغيب وغصة استرحام=على حالي وحالـي حزنهـا ركبـه يمسينـي
غلا ؟مدري وفا؟مدري؟ عليل الحال ماينـلام؟=جهل من لامني في جمرة(ن)بالجوف تكوينـي
اجي حاضر.. وتشبح في عيوني نظرة استفهام=انا حاضر ولكن يسـأل غيابـي انـا وينـي؟
مشتت بالمشاعر بين شوق وبين وجد اخصام=وسرحـه لاغفلـت لأول دروبـي توديـنـي
انا مااقول حزني من يديني لاشرعـت احكـام=مقاديري رمتني في حطامـي ماهـي ايدينـي
وانا من رجم اعدي لين رجم وتعبـت الاقـدام=صبرت ولابقى صبر(ن) على الفرقا يقوينـي
دخيلك..تعبت انغام الحزين اتداعـب الانغـام=دخيلك هدني طـول الفـراق وبرقـي فينـي