(( ياعلي قرّب لي المفتاح ))
الأخوة والأخوات اعضاء وزوار هذا الصرح الشامخ
السلام عليكم ورحمة الله وبركاته واسعد الله جميع اوقاتكم بكل خير مجرد أبيات ارجوا تمريرها ..... ياعلي قرّب لي المفتاح لا تشره عليّه=يارفيقي ضايقٍ صدري من الناس وغثاها شايلٍ همٍ على صدري كبر هضبة طميّه=هشّم ضلوعٍ دهاها من زمنها مادهاها ويش صاب القلب ؟ ما ادري صدمته صدمه قويه=ونفسي اللي صنتها عن كل زلّه ويش جاها لاتنشّد عن علومي خلّها تكفى خفيّه=دوك عيني لو تزيد الأسئلة جادت بماها ماهقيت ان القلوب السود من ذنبي بريّه=ولاخبرت ان القلوب البيض تطعن في قفاها ولاخبرت ان الكبود تفوح فوح الشاذليه=ولاخبرت ان الكرامة جرحها يلعن ثواها ولاخبرت ان المحبة بلسمٍ من سم حيّه=ولاخبرت ان المشاعر موتها يجبر عزاها ولاخبرت ان الخزامى نبتة ارضٍ جرهديه=ولاخبرت ان النجوم تضيق حتى في سماها ولاخبرت ان النوايا نيّةٍ تغدر بنيّه=ولاخبرت ان الفعايل ماتطاوع من نواها ولاخبرت الراعي امره صار في يدين الرعيّه=ولاخبرت الرجل لامن قال كلمة ماحماها ولاخبرت ان النفوس اللي على زعمي وفيّه=لأجل شيٍ من توافه هالزمن باعت وفاها ولاخبرت ان الخوي يضيق صدره من خويّه=ولاخبرت ان الأوادم حقدها يسبق خطاها لين شفت الناس تالي الوقت ياخوك مخليّه=من شفاحتها بدون شعور ترثع في عشاها كنها عن مايعز النفس ياخوي محديّه=يوم شفت بعين قلبي طيبها يتبع رداها كنت احسب ان السنين بمدها دايم سخيّه=كنت احسب ان الليالي ماتقصّر في عطاها كنت احسب ان المشاعر من قسى الوقت محميّه=كنت احسب ان الكرامة ما احدٍ ياطا حماها كنت احسب ان الرجال تشوم عن درب الرديّه=كنت احسب ان النشاما مايخيب اللي نصاها خل كل علوم قلبي داخل الروح مغطيه=لاتجي من دون ماتستر ولا تبحث خفاها عادتي ما اشكي ياكود لجاه خلاّق البريه=عانني لاضقت اردد سورة الشمس وضحاها ياعلي ياخوك تكفى بس لاتضغط عليّه=دوك عيني لو تزيد الأسئلة جادت بماها |
الغالي
الشاعر عبدالعزيز السليس الله انه يسعدك ويوفقك بجميع اوقاتك ولقد اسعدني ان اكون اول المصافحين لهذه القصيده الرائعه بما تحويه من مناجات لما يراه الشاعر حقا انك شاعر كل بيت بوزنه من ذهب وصح لسانك وعلا شانك مليون ولايكفون وتقبل تحياتي |
عبدالعزيز السليس
صح نبضك نص اكثر من رائع .. وشاعر يستحق المتابعه مودتي |
الشاعر/ عبدالعزيز السليس صح لسانك على هاالقصيده اللتي هي عصارة تجارب صاغ كلماتها شاعر يستحق الأعجاب والأشاده وأرى ان هذه القصيده مليئه باالرسائل الموجهه لأهلها كلا فيما يخصه. دمت بخير |
الفاضل
سفير المعاني هلا ومسهلا بك وبحضورك وصح بدنك ولاتهون اخوي شهادة تشرفي جعلك تحيا دمت ودام تواصلك الراقي اخي سفير تحاياي وكل تقديري |
الشاعر والناقد
عبدالعزيز السليس صح بوحك ولاهنت تحياتي,, |
عــادتــي مــــا اشــكـــي يــاكـــود لــجـــاه خـــــلاّق الـبــريــه عـانـنــي لاضــقــت اردد ســــورة الـشــمــس وضـحــاهــا يــاعــلــي يـــاخـــوك تــكــفــى بـــــــس لاتــضــغـــط عــلــيّـــه دوك عــيــنــي لــــــو تـــزيـــد الأســئــلــة جــــــادت بــمــاهــا الشاعر القدير عبد العزيز السليس الف سلامة صح كلك ولا هنت شاعر متمكن يجيد نقش ابياته على ريش الصقور نص رائع وجميل اكتملت صوره وامتزجة جماليات خياله بشاعريه جزله اخرجة لنا اروع الابيات دمت بخير في حفظ الله رعايته |
الفاضل
نومان سحل هلا ومسهلا بك وبحضورك ومرورك الكريم وصح بدنك ولاتهون وانا اخوك ومتابعتك شرف جعلك تحيا تحاياي وكل تقديري |
الفاضل
شبيب السبيعي مرحبا ومسهلا بك وبحضورك الكريم هنا وصح بدنك وانا اخوك ولاتهون شهادة اعتز بها اخوي شبيب لاهانك الله دمت ودام تواصلك الراقي تحاياي وكل تقديري |
الساعة الآن 10:21AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية