يابنت اناطبعي كذا ماتغيرت=غير جبال ولا تغيرطبيعه
على مسيرة جدي ووالدي سرت=هاماتنا فوق الجبال الرفيعه
صفيت معك وبرت يوم انت بي برت=وطاوعت من يمشي معك بالخديعه
صحيح انا عن الحضاره تأخرت=واصل البداوه في ماهي صنيعه
لا ما البس القبوع يابنت والشورت=ثوب وشماغ ودم وجهي ما ابيعه
ولا تحسب اني بعد صدك تحيرت=وضاقت علي كل الفجوج الوسيعه
لاوالذي له في الصلوات كبرت=ماعاد لك عندي ياكود القطيعه
مادام يالخاين عليناتكبرت=خذها على ماقيل نقله سريعه
ما انته بكفو الحب يوم اني ابحرت=في حبك اللي غر قلبي لميعه
واليوم اناعلى هوى النفس سيطرت=وحديتها على حدود الشريعه
بنيت في سلم المحبه وعمرت=وهديت يوم الحب عود خديعه
باقي على طبعي ابد ماتغيرت=غيرجبال ولا تغيرطبيعه

الغالي
الشاعر
محمد الرياحي

صح لسانك وعلا شانك أخي الشاعر محمد الرياحي
رائعة جميلة ومعزوفة لها مذاق خاص

لك شكري وتقديري