يالله يامنزل لنا الحق تنزيل=يامعتني في حضرها والبوادي

ياناصر(ن) دينك على شلة الفيل=ياجاعل(ن) نارك سلام وبرادي

بعده بديت بنضم حلو التساجيل=وسجلتها حسب ألفكر وجتهادي

رجل(ن)عزيز وينحسب من رجاجيل=ورجل(ن) مجرد شخص ونسان عادي

ورجل(ن)فهيم وله وقارٍ وتجليل=ورجل(ن) عنيد وكل راسه عنادي

ورجل(ن)جمل ماحط من فوقه يشيل=ورجل(ن) الياحمل برك بالحمادي

ورجل(ن) الياجيته لقيت ألتعاليل= ورجل(ن) حياته كلبوها أنفرادي

ورجل(ن) شجاع(ن)حر مايقبل الميل=ورجل(ن) شرود وبالمواقف جمادي

ورجل(ن) ذخر لك باليال ألمقابيل=ورجل(ن) ماغير أسمه وشخص أعتيادي

ورجل(ن)يعدل عدل ماحتاج تعديل=ورجل(ن) تعدل فيه كل الايادي

ورجل(ن)تهده بالقا يتعب ألخيل=ورجل(ن)خطيرٍ لوتهده يصادي

ورجل(ن) نقي ولايعرف التهاويل=ورجل(ن)ولويضحك خبيث الفوادي

ورجل(ن)صدوق ولايحب الأقاويل=ورجل(ن)ينم وضالم(ن)للعبادي

ورجل(ن) الياجيته غدت لك لك تساهيل=ورجل(ن)الياجيته بك ألهم زادي

ورجل(ن) بطيبه مايدور محاصيل=ورجل(ن) بطيبه بالمجالس يدادي

ورجل(ن) بفعل ألطيب ماحسب ألكيل=ورجل(ن) بفعل ألطيب دوم أقتصادي

قلته وانا لي بالقوافي تحاليل= والشطر الاول والنشاما مرادي