بعض المعاني تفوق الوصف = جواهر الفكر تسري به

وبعض المعاني لحقها قصف = كل المجنن تهذري به

الشعر فن وذوق واحساس دافي = وتصوير موقف والجزاله لها دور

واعذب قصيد اللي مع الناس وافي = وان ما وفى يبقى مع الوقت مثبور

هذا الكلام ولا عليه اختلافي = من هاجس(ن) عن بعض الاحداث محظور

بعض القصيد اليوم عرفه عوافي = والبيت يزهى بالزخارف على السور

والجوهره ما تختفي بالسوافي = انفض غبار ويظهر النور للنور

نور الشفق واضح ولا هو بطافي = ودوم الصدور الضيقه وسطها قبور

واللي ظهر يظهر ولا هو بخافي = والظلم ظلم ومن شهد له شهد زور

سامي سمو الشعر والفكر صافي = اكتب ولي بالشعر حكمه ودستور

اجلس واقوم وبعض الاحيان غافي = ادرس وادقق من قبل ما اسمع الشور

والخاتمه يا زين ضرب القوافي = من قلب يشكي من عنا الوقت والجور