((( يابو مــتــعــب )))
كل عام والمملكه بألف خير بمناسبة اليوم الوطني . . سلام الله يابو متعب مليـك العـرب عبـدالله هني اللي يصافحكـم يابـو متعـب هنيالـه تـرى ياسيـدي والله قليلـه بحقكـم والله لو ان الشعب يتنافس لأجل يفديـك بعيالـه لأن الظل من ظلك يضيـع ويختفـي ظلـه وظلك سيدي ظـلٍ يظـل الشعـب بظلالـه رعاك الله ياسيفٍ رقى للمجـد مـن سلـه يماريبه ويفخربه امام الكـون مـن شالـه تجود وسيدي جودك نهر يمنـاك نبـعٍ لـه يفيض ولانقص مده عدد بالناس من جالـه وفي مجلسك عبدالله يـدار الكيـف بالدلـه لياما ترتوي ضيوفـك وكـلٍ هـز فنجالـه يابوي أنت وابو متعب وابو شعب الوطن كله رسيت لياثقل حمل المشيـل وطـاح شيالـه تكيت وشامخ القامه شمـوخ باهـي الطلـه ويتعب كل من ينشد شمـوخ سيـدي نالـه ياعبدالله يابومتعب يابـو متعـب ياعبـدالله يراسٍ يسنده راسين من عمه ومـن خالـه لفينا للولا نثبـت وكـلٍ شـال روحٍ لـه على كفـه حملهـا لـك يقدمهـا وبلحالـه وحنا كالجسد شعبك وانت الشعب راسٍ لـه معك نمشي معك نمشي على من يدعي القاله نقدي خطوة العايـل ليامـن تـاه دربٍ لـه نقضبه الطريق اللـي غـداه وتـاه دلالـه ومن سالم نسالم له على ماجـا بشـرع الله كـلٍ نـال ماقـدم حسب كيلـه ومكيـالـه عهد بالله يابو متعب وحـق الله وامـان الله ابونـا قايـدٍ شعبـه وحنـا شعبـه عيالـه ابونـا قايـدٍ شعبـه وحنـا شعبـه عيالـه ابونـا قايـدٍ شعبـه وحنـا شعبـه عيالـه ولكم تحياتي اخوكم خلف الشلهوب |
يابوي أنت وابو متعب وابو شعب الوطن كله
رسيت لياثقل حمل المشيـل وطـاح شيالـه ابو متعب .. نعم .. ابو شعب الوطن كله..ورمز الشموخ ومصدر الاعتزاز.. للوطن وشعب الوطن.. فما كتبت من مشاعر في هذه المعزوفة بالتأكيد هي مشاعر الجميع في هذه المناسبة العظيمة.. وحنا كالجسد شعبك وانت الشعب راسٍ لـه معك نمشي معك نمشي على من يدعي القاله خلف الشلهوب مشاعر وطنية لانستغربها على امثالك فشكرا لهذا الحضور وصح لسانك وعلأ شأنك و اليوم الوطني (77) .. يوم مجيد وذكرى عطره.. لتوحيد هذا الكيان الشامخ على يد المغفور له ان شاء الله الملك عبدالعزيز بن عبدالرحمن آل سعود طيب الله ثراه... عام تسع وعشر وألف وثـلاث أمـئه تـمــام من سياج الظلم فـك أســرهــا واقــيـــــــادهـا أشرقت والملك والـعــدل وأعــتـاق الـمـظــام ردده صــوت الـمــنــادي ثــلاث وزادهـــــــــا الحكم والملك للــه.. والشـــرع أحــتــكام ثم لأبـن ســعود " عـبـدالعزيز" امــــرادهـــا فزت أرياض المحبه وذبــت للـــثــــــــــــام وأحـتـفـت باللـي وصــل مانســـى مـيـعـادهـا للتتواصل المسيرة ..و في ثلاث امئه وخمسين وألف وزود عـام أطلق أسم المملكة وأحــتـفـل بـأعــيـــادها وثـّـق المـجـد التـلـيـد أبـمواثـيـقٍ عـظام وحــدد احــدود البـلاد وبـنـاهـا وشـــــادهـا وأبـتـدت نـهـضـة بـنـاء الصـرح وأعـمار الـهـدام والـمـنـابـر يــمـمـت وآمـنــوا ســجــادهـــــا وأشـرقـت بـالـعـلـم وأرســاء دعـائـمـهـا الـنظـام وعانـقت للـمـجـد من بـعـد طــول أسـهـــادهــا وأسـتـتـب الأمــن وأرســاه وأمسك بـالـزمــام وأدرك أطــراف الـقـضـايــا وحــجــم أبــعـــــادهــا وها نحن نحتفل بهذا اليوم المبارك وكلنا فخر واعتزاز .. نحتفل.. ونحن ننعم بمزيدٍ من النعم التي خصّ الله بها هذا الوطن الطاهر على ايدي رجالٍ اوفياء نذروا انفسهم لخدمته وخدمة الاسلام والمسلمين وتحكيم كتاب الله وسنة نبيه صلى الله عليه وسلّم.. دمت ياوطن للعدل منبرا وللمجد نبراسا ووفق الله خادم الحرمين الملك /عبدالله بن عبد العزيز/ وولي عهد الأمين صاحب السمو الملكي والمفتش العام سمو الأمير / سلطان بن عبد العزيز/ وحكومته الرشيده لمايحب ويرضى وكافة الشعب السعودي الكريم و ياوطن ..ياقيادة الشـعب ..ياعــدلٍ يــقــام عـطّـر الــتــاريخ وأهـــل الـفــتــن بأحــقــادهــا الشكر والتقدير لك اخي خلف الشلهوب مرة ثانيه على هذه الأحتفائيه التي لاتستغرب على ابناء هذا الوطن الغالي.. تهنئية للجميع بهذه المناسبة السعيده |
لأن الظل من ظلك يضيـع ويختفـي ظلـه وظلك سيدي ظـلٍ يظـل الشعـب بظلالـه اللهم احفظ لنا مملكتنا العزيزه ومتعنا اللهم بالامن والامان .. اطال الله في عمر ابو متعب واخوانه واللهم وفقهم لكل مافيه الخير .. فهم ذخر للشعب السعودي حفظهم الله من كل مكروه .. اخوي خلف .. قصيده جزله ورائعه والله لايغير علينا .. تحياتي وتقديري |
اللهم احفظ لنا مملكتنا العزيزه
واطال الله في عمر ابو متعب واخوانه اللهم وفقهم لكل مافيه الخير وحفظهم من كل مكروه .. اخوي الشاعر خلف الشلهوب صح الله احساسك ولاهنت اختك شـ الفجر ــوق |
يابوي أنت وابو متعب وابو شعب الوطن كله
رسيت لياثقل حمل المشيـل وطـاح شيالـه وقمة السهل الممتنع في قمة الفخر أبو سامي ,,, لقد مررت من هنــــــــــــــــــــــــــا |
السلام عليكم ورحمة الله وبركاته اللهم أحفظ هذا الوطن اللهم أحفظ شعبه من كل مكروه اللهم أحفظ الملك عبدالله بن عبدالعزيز آمين يا رب العالمين ...... قصيده جزله من شاعر جزل ... يستحق الإشاده .. مناسبه غاليه على الجميع .. وعسى ايامكم كلها افراح × افراح دمت بخير . |
رد: ((( يابو مــتــعــب )))
صح لسانك يا خلف والله يعطيك العافيه على هذه القصيده الرائعه وتفضل بقبول خالص تحياتي |
ابو سااامي هذه المتألقه هي بنظري (( تــضحـــــــــــــــــــية شـــــــــــــــااعــر )) شكرا لك من ( صميم قلبي ) مع كل الود جاايز |
صح السانك وتسلم
|
اقتباس:
الغالي الشاعر خلف الشلهوب قصيده وطنيه بحق وحقيقه من شاعر مخلص لوطنه ومليكه انت شاعر متمكن ولست بحاجة لااشادتي بك ولكن انت مبدع بحق وصح لسانك وعلا شانك وتقبل تحياتي |
الساعة الآن 08:26AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية