|
(..**.. فدا راسك ..**..)
قصيدة للشاعر سلطان بن بتلاء في والدته شفاها الله
ليت (الهشاشه) فـي عظامـي ولافيـك=أو ليتهـم يرضـون.. وانقـل عظامـي ياليتـهـم يـرضـون..والله لااعطـيـك=لااعطيـك منهـا ماانحنـى واستقامـي اليـن ترجـع مثلـهـا اول خطـاويـك=وتعـود هيئـة جلسـتـك والمقـامـي مادامنـي يالغالـيـه مـنـك والـيـك=ممنون لك فـي حملـي وفـي فطامـي ابقـى فـدا راسـك وفـدوة مواطـيـك=ماهـو تـفـدّاي الـغـزل والغـرامـي يااطهر من الانهار واصدق مـن الشيـك=شيـك الثقـه ماهـو بشيـك الحرامـي ابــوي مابـيـن الصبـايـا منقـيـك=ولاهي برميه جـات مـن غيـر رامـي اخـذك مـن شيـخ ٍ بطيبـه مربـيـك=وجبتـي منـه ستـة حـرار ٍ كرامـي رجـل ٍ نجـح واللـي يدلّـك وينبـيـك=دايم ..(مره خلف اي رجل ٍ عصامـي) يااعطف بشر.. وانقى بشر .. في مباديك"=لـو امدحـك ماهـو مكفّـي كـلامـي كم ضقت مـن دنيـا البهاذيـل واجيـك=واروح .. والدنـيـا اقــلّ اهتمـامـي بطفولتي ..في لعبي ازعجـك واشقيـك=واليـوم اهمّـك لــو أروح لـدوامـي جنه براحـة كفـك.. وتحـت رجليـك=جنـة خلـود تفيـض.. بـرد وسلامـي الله هـو الـلـي يالعـزيـزه معلـيّـك=جعـل رضـاك اهـم مـن هالانـامـي عسى الولي يااغلـى المخاليـق يشفيـك=وياليتهـم يرضـون .. وانقـل عظامـي |
صح لسان الشاعر سلطان
والله يشفي والدته ان شاءالله وتسلم يمينك اخوي على هذا الاختيار القيم والراقي تقبل مروري تحياتي واحترامي |
الشلهوب خلف القدير وشاعرنا المميز اللهم آمين وشاكر لمرورك الذي البس متصفحي وشاح التميز وسكب ماء الورد على بلاطه وفرشه بالورد الإحمر شاكر ومقدر طلتك عزيزي |
صح لسان الشاعر وناقلها
فصيدة معبرة كل الشكر والتقدير لك |
صح لسان الشاعر سلطان
والله يشفي والدته ان شاءالله وتسلم يمينك اخوي على هذا الاختيار القيم والراقي تقبل مروري تحياتي واحترامي |
اختي نوت شكرآ لطلتك على متصفحي بهدوء وردك الوافي كمواضيعك المميزه |
اخي وعزيزي / يفوق الوصف شكرآ لمرورك يامشرفنا القدير ونورت متصفحي بردك الذي لطشته من شاعرنا حلف:d :d يكفي مرورك سيدي |
محمد بن فهد الراشد
في الحياة كلمات حروفها قليلة ومعانيها كبيرة في حياتنا قمة الإبداع والمشاعر الصادقه سلم لنا قلمك وفكرك وصدقك ياعمري |
| الساعة الآن 06:46PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية