احفظ لسانك يا عوين الهمومي ............
يا لايمي دامك ما تدري عـن الحـال=وش لون بالله يـا صحيبـي تلومـي لا صرت ما تدري عن اللي على البال=احفظ لسانك يـا عويـن الهمومـي ترا المغربـل زاده الوقـت غربـال=يطيح لا وشـك علـى انـه يقومـي عاش بزمان(ن) فيه تحطيـم الامـال=وقت(ن) وقف ضد الرجال القرومـي وقت(ن) به الطيـب يقولـون بطـال=وهـاذا زمـان مضيعيـن السلومـي لكـن انـا طالبـك يـا رب يـا وال=يا واحد (ن) لجلك صلاتي وصومـي انـك توفقنـي لزينـات الاعـمـال=واغفر ذنوبـي يالغفـور الرحومـي وفرج هموم(ن) داخل الصدر تجتـال=دايم بوسط الصـدر ليلـي ويومـي بصدر(ن) به الضيقه من الجال للجال=ماغير في بحـر الهواجيـس اعومـي واسباب ذا كلـه بـلا شـك وجـدال=من كثر ما عينـي تخيـل الغيومـي اليـا تعـدا خيـال طالعـة بخـيـال=اخايلـه لوكـان مـنـه محـرومـي ويمطر على غيري من الوبل همـال=ويسقيه وانا فـي لهيـب السمومـي وانا المبدابـه علـى كـل الاحـوال=لكنه اصبح حلـم ضمـن الحلومـي وترا القمر يرجع بعـد مـده هـلال=ومن السماء تبـى تغيـب النجومـي والحر يبقى ماكـره راس مـا طـال=والبوم يرجع بوم من سـاس بومـي وانا احمد الله طيـب العـم والخـال=وفي ساعة الشـده قويـه عزومـي مثل الجمل للحمل لـو زيـاد شيـال=ولا اشكي على من لا يسد اللزومـي واصبر على ميلات وقتي ليـا مـال=حيث الشدايد فالزمـن مـا تدومـي اصبـر وربـي للصعيبـات حــلال=مشكاي لا عضيـت راس البهومـي مشكاي من نـزل تبـارك والانفـال=رب(ن) عليـم بخافيـات العلـومـي وصلاة ربي عد مـا وادي(ن) سـال=على النبي وعـداد زرق السهومـي |
الغالي الشاعر سلطان بن دحيم الله انه يسعدك ويوفقك لما فيه الخير اسعدني ا اكون اول المصافحين لهذه القصيده التصويريه و الرائعه وعانك الله وصح لسانك و علا شانك مليون ولا يكفون تقبل تحياتي |
اقتباس:
شاعرنا القدير سلطان بن دحيم صح لسانك وعلى شانك حاولت اقتبست بيت بيتين ماقدرت الااني اقتبسها كلها قصيده شامخه لامست وجداني ماشاءالله عليك لاتحرمنا قادمك حفظك المولى ودمت بخير |
سلطان
كالعاده مبدع ولاغرابه صح لسانك صح لسانك تحياتي |
ابودحيم
صح ألسانك حتى ترضى مبدع لاعدمناك |
سفير المعاني
صح بدنك شرفتني لاهنت بالمرور تحياتي |
سلطان بن دحيم
صح بوحك ولاهنت تحياتي.. |
شاعرنا سلطان بن دحيم
صح لسانك واعتلا شانك قصيدة جزله من شاعر لايعرف الا الجزاله معاني وافيه وحكم رائعه دمت بتألق مودتي |
صح السانك لاهنت
|
القدير : سلطان بن دحيم صح لسااانك ملاييييييييييييييين ولاتكفي يالجزل قصيده قمه من شاعر علم تقبل مروري وتعليقي المتواضع أمام هذه الفارهه |
الساعة الآن 03:22AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية