|
مشاركتي في مسابقة (نصرة ام المومنين
يالله يامن جميع الكون في ضله = سلط على من تعدو واستفزونا سلط على من لسانه بالخطاء سله = يالقادر المقتدر يامكون الكونا نرفع يدين لربي ونتوسله = يقصر شبات الطغاة الي تحدونا عدوان الاسلام واعداء الدين والمله =تطاولو باللغاء الخارج وغثونا هذا يطبل لذاك وذاك طبله = حتى أنبياء الله سبوهم وسبونا كيف امنا عائشه رمز الكرم كله = فيها استباحو لغاهم واستباحونا ماعد باقي لنا الا نعلن الذله = ولا تباهو بها الفكره وضرونا والي يسب النبي والبغض يسهله = في دين الاسلام ياعالم تحرونا كونو جماعه وسيف العز نستله = في نصرت الحق صفو صف وانخونا يابنت ابي بكر يازوجة رسول لله = عنك الخوارج ضعاف نفوس يخسونا مكرمه عن لغاهم يام عبدلله = ياطاهره ياعفيفه عنك يهبونا |
صنداح الزلامي صح السانك اخوي قصيه وافيه من شاعر متمكن بس يبدولي انك لم توفق في المسابقه لحيث انك لم تقرا شروط المسابقه من شروط المسابقه الاساسيه عشره ابيات مفتوحة البحر ان تكون القصيده في الصدر على( اين) مثال : المومنين: الطاهرين ويكون العجز على( ات) المومنات :القانتات شكرأ لمشاعرك الطاهره |
صنداح الزلامي
صح لسانك يالقرم ووفقك الله في كل حرف خطيته لنصرة ام المؤمنين و نصرة الدين أسعدني جدا تواجدي هنا تحياتي |
بيض الله وجهك
وماقصرت على الكلمات الرائعه صح لسانك ولاهنت تقديري |
لله درك على هذا القصيد
رفع الله قدرك تقديري |
اقتباس:
الاخ عبد العزيز بن محمد الشلوه صدقت والله اني لم اقراء التعليمات والشروط وانما بديت في القصيدة وارسلتها لهم ولكن كانت بدايتي قبل ان تعد مسابقتهم التي وضعوها لهذا الغرض وعند ماقراءت الخبر دخلت للموقع واخذت العنوان وارسلتها دون اي متابعة للشروط هذا اللي حصل ولكن الحمد لله عند الله تحسب ان شالله والمسابقة فخر للشعراء وهي في هذا الشان دمت اخوي عبد العزيز واشكرلك اهتمامك |
صنداح بيض الله وجهك وصح لسانك وحتى لو مافزت بالمسابقه ان شاء الله تفوز بجنة عرضها السماوات والارض ويكفي انك فزت باعجابنا بهذا النص الوافي الجزل الذي هو قليل في حق امنا عائشه وهذا واجب على كل شاعر ان يقف ضد من يطعن في عرض الرسول صلى الله عليه وسلم صح الله لسانك مره اخرى ولاهنت تقبل مروري يالذيب |
الغالي
الشاعر صنداح الزلامي الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده القيمه بقيمتها الشعريه لمناسبتها نصرة نصرة ام المؤمنين رضي الله عنها وماقصرت يالغالي وصح لسانك وعلا شانك مليون ولايكفون وتقبل تحياتي |
| الساعة الآن 12:10AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية