اللي لقاءها صعيب مثل فرقاها = حطت غلاها يمين القلب وايساره
في حكمها النفس تأمرها وتنهاها = وتمون وسط الخفوق وتأخذ اسراره
ياليت من حطها في العين واخفاها = ويشوف فيها طريق ً هي تختاره
أوليت عمر ً مضالي كان واياها = والباقي اللي يجي معها بمقداره
واني تحملت معها كل ماجاها = واسكنتها في فؤاد ً تجري انهاره
اللي عذابي يزيد ان سمع شكواها = يوم ابتلاها الزمان الشين واشراره
من همسها ماجت اضلوعي من اقصاها = ترجف تقول ان فيها صوت طياره
اغالط النفس ساعة ودي انساها = وارجع على ودها واسرح بتذكاره
لا رحت عنها مشيت شوي والقاها = واثر اني أعود والرجلين مراره
يأمن تطل البشاير مع محياها = اليا اقبلت كل خطوة ترسل ابشاره
كن المعاريف خصله من سجاياها = تعاملت به وجاء راس مال وتجاره
وكن القصيد ان وصف يوصف مزاياها = لو انهم يقصدون الغير شعاره
وكن الغلاء بين يسراها و يمناها = وأمست توزع على الدنيا بقطاره
وكن العزاوي نهار الحرب طرياها = يوم ً كلا ً يدور في اللقاء ثاره
عزوة كراما ً جميع الناس تخشاها = اهل صحون الندى وسيوف بتاره
وكن الخجل همسة ً تضفي على فاها = بنغم ً سرى مع هزيع الليل باوتاره
اليا هرجت من خجلها تفرك ايداها = من خوف تظر كلاماً متبي اظهاره
حتى لو الكبد ضميانة على ماها = ادرا على حبها واصبر على ناره
واخشى عليها وعين الله ترعاها = حيث انها في مقام الاخت والجاره

واخــــشــــى عــلــيــهــا وعــــيــــن الله تـــرعـــاهـــا

حـيــث انــهــا فــــي مــقــام الاخــــت والــجــاره

الشاعر

المهدي بن تركي

مبدع أينما وجدت

دمت بتقدير واحترام

المهدي بن تركي
صح السانك

رائع بكل ماتعني الكلمه

لاتحرمنا من جديدك

صح لسانك المهدي بن تركي

القصيده رائعه بكل ما تحمله الكلمه من معنى

عجبتني كثير وما عرفت اقتبس ولا بيت كل بيت احلى من الثاني

احساسك جميل :r: