مبـروك يانايـف عسـى الله يخليـك=تستاهـل المنصـب ومثلـك يطولـه
ياقايد أمـن المملكـه والرجـا فيـك=يشهد لك التاريـخ عرضـه وطولـه
يمأمن الخايـف ليـا جـاك يرجيـك=وياناصـر المظلـوم كلـن يقـولـه
وياداحـر الفتنـه بضربـه وتفكـيـك=وقاهر عـدو الله بعلـم (ن) مهولـه
لعنة غضب تنزل على اللي يعاديـك=ورجمة شهاب .. معجل (ن) في نزوله
يمسح هل التظليـل والمشكلـه ذيـك=ويقطع جذور الشرك والـي دعولـه
ياميرنا طيـر السعـد بيـن اياديـك=رايـك سديـد وكـل الامـه سعولـه
اختـارك القايـد بحكمـه وتحنـيـك=صميدعـي وقـت العلـوم العجولـه
درعـاً لجنبـه بالشدايـد يحاكـيـك=انتـه وسلطـان الفخـر والرجولـه
ماجـور ياسلطـان ربـي ينجـيِّـك=يابـو اليميـن اللـي تمـد الجزولـه
ويابـو محمـد حبنـا لـك يباريـك=إلـك الـولا يامـن تجمـل فعـولـه
نسل الحرار اهل الكرم دون تشكيـك=واهل الشجاعـه والظفـر والبطولـه
آل السعود الـي لهـم مجـد يغنيـك=عن مدح كـل النـاس والـي نقولـه
ياسيـدي ارجـو المعـذره مانوفيـك=حقك ولـو نكتـب قصيـد ومقولـه

المشاركة الأصلية كتبت بواسطة زايد الدغماني (المشاركة 188004) كفو ياسالم والله انها قصيده جزله من فكرشاعر مبدع الله يعطيك العافيه على هذا البوح الجميل والاخلاص لولاة الامر ويستاهل والدنا الاميرنايف بن عبد العزيز هذا المدح والتهنه صح السانك مليووون مره

[table1="width:95%;"]

المشاركة الأصلية كتبت بواسطة اسير الليل (المشاركة 188009) صح لسانك على القصيده الرائعه ويعطيك العافيه

[table1="width:95%;"]

المشاركة الأصلية كتبت بواسطة عادل الظفيري (المشاركة 188081) أنت شاعر تستحق التصفيق ولاشك بذلك وسمو الأمير نايف يستحق الشعر ونحن نستحق أن نفرح لسموه

[table1="width:95%;"]