|
اللي فهد . سبة مشاكيه منها
عدد من القصائد لاتحتاج من الشاعر لمقدمات ولا يستسيغ القاري ان يكون لها مقدمات
ياللي فهد سبة مشاكيه منها = ومنها ,, عنا , قلبه وفرحه وبلواه بنت ( أبلج ٍ) لو تدري الناس عنها = ماحد ٍ يلًحقني مشاريه عوجاه بنت الرجال اللي يطرأ , ضعنها= تقدم على سبع الغداري وتشعاه أكايل الافكار واشير وأنها= وازريت لا يرتاح فكري بلياه وحولًت ما بين النحر في كفنها = وقعت ياوجدي من الود , وجدآه قلبي وطن للغانمين ووطنها = واليوم قلبي راح مانيب وياه وتربعت والعين هذي سكنها = هذي وهذي كلبوهن فداياه وتشابكن شام البني مع يمنها -= ألاً هنوف ٍ حازت الزين جمعاه ربي عطاها الزين واغلا ثمنها = ياغليها , بين الغنادير غلياه تستاهل ابيوتي وشيلة لحنها= خص ٍ ليا شفت القمر في محياه بنت ابلج ٍ راع القصيد احتضنها = موته ,, ولا صدة وليفه وفرقاه |
صح لسانك الشاعر فهد
قصيده جزله من شاعر جزل تحياتي لك |
ابو سلطان صح لسانك ملايين
دمت بالف خير |
الشاعر / فهد بن حنس صح لسانك .. قصيد جزل وتصوير أسعدني أن أسجل له أعجابي الله يعطيك العافيه .. والمعذره أذا ماخالفني الظن في الشطر الثاني من البيت الثاني ( مشارهيه عوجاه ) خطأ أملائي وانت تقصد ( مشاريه عوجاه ) هذا فقط للتوضيح لأخوانا القراء والمتابعين والا أنت شاعر جزل وبيض الله وجهك تحياتي وتقديري لك |
هلا وغلا فهد
صح لسانك وحساسك ولاهنت على هذه القصيده الجزله من شاعر الجزاله وشكراً للشاعر عبدالكريم على التنبيه وتم تعديل الوضع وازلة الـ(هـ) الزائده تحياتي واحترامي |
العنزي سامي
سمت القصيده وارتقت بحضورك الذرب فبارك الله فيكم |
الغالي الشاعر فهد بن حنس اسعدك الله بجميع اوقاتك اخي فهد انا امام قصيده جزله بمعانيها ومفرداتها انت شاعر متمكن ومبدع وصح لسانك وعلا شانك وتقبل تحياتي |
خي سلطااان الوفا
حضرت واوفيت وكفيت فبيض الله وجهك |
فهد بن حنش صح السانك وسلم بنامك دمت ودام حضورك الشامخ تفبل مروري ولك مني اجل تحية |
اخي عبدالكريم الضبيب
شكرا لحضورك وتنبيك الاجمل وبيض الله فيك وجمل الله حالك وفالك |
| الساعة الآن 02:02AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية