ارسلت مطلعها لمن يسبرها=اشوف رايه مثلما وصاني
وقال جزله بس لا تنشرها=منته بناقص ياعذاب الجاني
بس الصراحه جبتها لأخرها=حتى القويزه هبتها بالعاني
يعني تعالوا شاهدوا منظرها=من عام تبكي وحالها بكاني
لا شي متغير ولا سطرها=ما غير غطى سورها للثاني
والمسك يالبا اسمها معطرها=الماي حالي وعطرها وجداني
والسيل لايمكن يزيد احفرها=كل الشوارع تمشي بالميزاني
قلت اشبلاك الهم في محورها=ماغير كل يعتزي يا اخواني
كل نسى وشصار ياحاضرها=ما غير خالد شايفه وحداني
الله يعينك الف يامطورها=ياولد فيصل ياعظيم الشاني
ياسيدي الوالي هنا بظهرها=والله وكيلك بشلة الفسداني
واستأذنك اجنح على وافرها=راعي الوفى والطيب اكحيلاني
ياخادم البيتين وكل اذخرها=منا التحيه وريحها أقحواني
ياتاج كل الأرض يا ساحرها=بالجود والرحمة بقلب انساني
يا سيدي والحال من ساترها=الهمّ في قلبي غزى شرياني
العيش ضيق والحياة ماعسرها=والوضع مزري والنفوس اتعاني
والدين اقلق راحتي واقهرها=والناس ماترحم ظروف العاني
والكل يطلب فسحته ماصغرها=وانا كبير بعيونهم ( ورعاني )
السالفة ياسيدي بقصرها=غنى بها مستور والميزاني
جابوا السوالف كلها واكثرها=حول المواطن وانته الفهماني
هذه قصيدة جتك من شاعرها=احمد عبيدالله من الحفياني
هذا وامانة من قرأ ينشرها=يمكن تلبي حاجة العطشاني
وصلاة ربي عد من كررها=على محمد خاتم الأدياني
اما القصيدة نسيت ما احررها=لما لفاني الرد/ جا وانساني..!!
ارسلت مطلعها عسى يشكرها=لكن لقيته عكس ما وصاني