يـسـتـفـزك صـيـت عـالـيـن المـقـام ؟!
القصيد أحساس ماهو أي كلام = له فضاه الرحب عند الفاهمين نبض روح ونور حكمه وافتهام = من مشاعر شرهة القلب الفطين ماكتبته لجل غايه واغتنام = للفرص والجاه والوجه الحسين من وفاي أعطيه جل الاهتمام = واكتبه بلسان صدقي واليقين أكتبه للنور وأهديه الكرام = الرجال أهل الوفا دنيا ودين الرجال اللي ليا شِـْـد الحزام = مع صناديد الاوايل واردين ظِـن ظـن الطيب واصعد بالمرام = ومعدن الرجال بالشده يبين ياقصيدي ماعلى صوتك ملام =انت جزل ومارد الجزل السمين أدري انك مثل مصقول الحسام= وأدري انك تفتخر بالطيبين ماتشابه غير هتان الغمام = ولا تصافح غير مرفوع الجبين يستفزك صيت عالين المقام = ذخرنا المشهود والكنز الثمين ياسلام الله . سلامي . ياسلام = يامقر الطيب .. يالحرز المكين ياعدو الذم واهله والملام = يامدار أشراق نجم الفرقدين الشجاع اللي دخيله مايضام = فخرنا لاحل علم الغانمين في مديحه يكسب الشعر أحترام = ويلبس الشاعر وسام المنصفين والله أني لاهدي المعنى وسام = في مديحك ياولد ذرب اليمين صيتك اللي بالفخر بين الآنام = نفتخر به كل وقت وكل حين وأنت ياسلطان من فوق السنام =شامخً لك قاسي الموقف يلين يكتب التاريخ عامً بعـد عام = سيرة الأبطال والمجد الرصين يشهد اللي طيب رأسه مايسام = والله المعبود خير الشاهدين ‘ ؛ ‘ ، ‘ |
[table1="width:95%;"] | [/table1]منصور الرويلي نص فاخر من الوزن الثقيل وليس بغريب على منصور الرويلي هذا النص تحياتي |
اخي منصور الرويلي
صح ألسانك حتى ترضى نص من العيار الثقيل مبدع حقاً تحياتي لك |
السلام عليكم ورحمة الله وبركاته
من اجمل ماقرات صح لسانك لاهنت |
الغالي
الشاعر منصور الرويلي قصيده كما قال من سبقوني من العيار الثقيل وما اقول الاصح لسانك وعلا شانك لاهنت تقبل تحياتي |
قصيدة شامخة من شامخ صح لسانك وبيض الله وجهك.
|
بيّض الله وجهك يا (عقاب)
، دائماً تغمرني بكرم اخلاقك ايها الشهم |
منصور الرويلي
صح لسانك ولاهنت قصيده اكثر من رائعه وتقبل تحياتي ومروري |
الغالي
الشاعر منصور الرويلي قصيده كما قال من سبقوني من العيار الثقيل وما اقول الاصح لسانك وعلا شانك لاهنت تقبل تحياتي |
[table1="width:95%;"] | [/table1]منصور الرويلي صح بوحك ولاهنت تحياتي... |
الساعة الآن 01:01PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية