مايجحد التاريخ بعض الاسامي
السلام عليكم ورحمة الله وبركاته بعد الانقطاع الطويل أرجو المعذره وأقدم لكم مرثيتي في صاحب السمو الملكي الامير سلطان بن عبدالعزيز آل سعود
سلطان راح ولا بقى الا اسم سلطان=إسمٍ على روس المراقيب سامي إسمٍ بقى في صفحة المجد عنوان=مايجحد التاريخ بعض الاسامي سلطان كتلت ناس في داخل إنسان=دوله تعامله الدول باحترامي في يوم دفنه بان للناس برهان=الطايرات اتقول سرب الحمامي صبح الثلوث ألين وقت العصر حان=وصدر المطار من ام جنحان حامي لين ازدحم مسجد طليقين الايمان=وادّو صلاة العصر خلف الامامي واقبل يشيلون على روس الامتان=في منظرٍ ماينوصف بالكلامي اقبل به النايف ووداه سلمان=وعياله اعظامه ونعم العظامي وخادم بيوت الله يشوفه بالاعيان=نظرة موادع فالملاقا الختامي واخوانه الباقين واعيال الاخوان=فوجيههم حزنٍ من السبت زامي وشعب السعوديه تصاليه الاحزان=وانا اشهد انه ياعرب مايلامي سلطان سلطان السعد بحر الاحسان=موجه على وجه الغرابيل طامي مدة يمينه صافحة كل الاوطان=ونقشه على اخدود الاراضي وشامي إمدلّه آرامل وكفّال يتمان=يسمع شكا الشاكين له باهتمامي يفزع ليا جابوا له اوراق مرضان=ويتابعه حتى يقوم ابسلامي ينهي بمده فاقرة كل فقران=كريم تعطي من عطاه الكرامي ماله.. إلفعل الخير خيلٍ بلا اعنان=وامجودٍ راس الدفاع ابخطامي مسس كيان الجيش من هاك الازمان=أميرٍ يضيم العدا مايضامي إليا التقى في موقع الحرب جمعان=يضرب برايٍ مثل حد الحسامي ذروة سنام المجد في حرب وآمان=يبرك له المجد المسما اشمامي شعبٍ على فرقى المعازيب فرحان=وشعبٍ بعد سلطان عاف المنامي عسى له ابجنتك يارب مسكان=ويهنى تحت ظلك نهار القيامي وسلامتكم |
صح الله لسانك
شامخة في رجل يستاهل أحسن الله عزانا وعزاكم في سلطان تحياتي |
الغالي
الشاعر علي بن عامر اولا حياك الله ومن طول الغيبات جاب الغنايم ومعذور وادعو الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده الرثائيه بصاحب السمو الملكي الامير سلطان بن عبدالعزيز رحمه الله واحسن مثواه وما وردبها من تصوير لصفاته وافعاله غفر الله له وصح لسانك وعلا شانك مليون ولايكفون تقبل تحياتي |
الشاعر القدير
علي بن عامر صح لسانك مدد بلا عدد مرثيه رائعة و رحم الله ابو خالد واسكنه فسيح جناته تقديري ريف ., |
الساعة الآن 09:05PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية