(( صــهــيــل الاصـــايـــل ))
يحـق لي لاقـلـت أنا عـالـي الـشـأن = مـادامـنـي مـن صـفـوة عـيـال وايـل
. للشاعر الشيخ : ناصر بن حمد آل خليفة. . YouTube - ‫ط³ظ…ظˆ ط§ظ„ط´ظٹط® ظ†ط§طµط± ط¨ظ† ط**ظ…ط¯ Shk.Nasser Bin Hamad‬‎ . . يالشعر من حقك تفاخر بالانسان = من حاضر الدنيا لعصر الاوايل
خلـّدت مجد أهل الوفا عبر الازمان = وخلـّدك (ناصر) في جزيل المثايل صوته رقابك وأنت يالشعر هتان = ماكنك الا كف واف الخصايل الشاعر اللي ردّدك قلب ولسان = وأعطاك هيبه وأعتزت بك قبايل ألبس من أحساس الوفي ذرب الايمان = قدرٍ تطاول به على كل طايل إفخر كثر ماجاد (ناصر) بالاحسان = تبي الفخر ؟ يكفيك راع الجمايل شيخ المراجل لاغدى الفعل برهان = فعله على قوله شهود ودلايل لله دره .. مامطرت غر الامزان = وأرض العطا صارت ورود وخمايل الخير في وجهه وفي صدره إيمان = يبذل جهوده مايدوّر بدايل على كثر ماهْـل الوفا تِعمْر أوطان = صفات (ناصر) في زمنا قلايل شجرة وفاه اللي لها جذور وأغصان = منها أستشف النور والظل زايل صيته قبل صوت الشعر شد الاذهان = والشعر يسمو بالفعول الصمايل هيّضني الشامخ بعذبات الالحان = نوادرٍ تشفي القلوب الغلايل هيّجنتها قدر ومحبه وعرفان = وشرّعت صدري ياصهيل الاصايل صوت الوفا له قمت والشعر وجدان = يخلق من أجزال الرساسل رسايل لا ذعذع الشرقي وطرق اللحن زان = فهقت عن وجه الصباح الجدايل لي مهرتن لاهمّهمت واللقاء حان = تكسر قيود مشبكين الحبايل لاسرجتها فاقت على كل الالوان = لو عج بالميدان صايل وجايل من قدرها قلدتها عقد مرجان =وطوقتها الاحساس عن قول قايل قصيدتي نبض الوفا سر وأعلان = مدادها دمي ماهو حبر سايل أبي تجملني مع اللي لهم شأن = وأبي توارثها عيال الحمايل أهديتها للي للامجاد مزبان = الشيخ ناصر صفوة عيال وايل . ( منصور نايف الرويلي ) |
الغالي
الشاعر منصور الرويلي الله انه يسعدك ويوفقك بجميع اوقاتك اسعدني ان اكون اول المصافحين لهذه القصيده ويستاهل ناصر هذا النزف لاهنت وصح لسانك وعلا شانك مليون ولا يكفون تقبل تحياتي |
ابيات بسيطه تعبير عن اعجابي بالابيات المكتوبه
. صدقت يامنصور ياذرب الايمان = ياشاعر المعنى جزيل المثايل تكسر عناد المفرده طول الازمان=وتجيب غصن الورد بين الخمايل وش عاد لو ماكان جو الشعر زان= كله عشان مزبنين الفعايل مدحت منهو جاوز بطيبه اوطان=الناصر لنخوة عيال الحمايل نأتي لابياتك التي توجتها بحلل من الالماس . يالشعـر مــن حـقـك تفـاخـر بالانـسـان مــن حـاضـر الدنـيـا لـعـصـر الاوايـــل وكيف لايفاخر الشعر بعد هذا النداء طالما ان منبع الاحاسيس هو المعني بالفخر والاجمل ان لغته هي الغالبه عبر الازمنه المختلفه . خلّـدت مجـد أهـل الوفـا عبـر الازمـان وخلّـدك (ناصـر) فــي جـزيـل المثـايـل هنا تاج القصيده يعلو هامتها عندمايأتي من\ يخلد شعر الخلود باسمه وكأن الشاعر يقول ان الشعر يستمد مواقفه الثابته من الممدوح . إلى أن نصل الى قمة هيّجنـتـهـا قـــدر ومـحـبــه وعــرفــان وشرّعـت صـدري ياصهـيـل الاصـايـل عندما تجتمع معاني الشعر معا تتشكل خيوله في ميادين الصدر ثم تعلن جموحها بصهيل يتردد عاليا تطرب له الاسماع وتتراقص في حضوره الاحبار . . لا ذعـذع الشرقـي وطـرق اللحـن زان فهـقـت عــن وجــه الصـبـاح الجـدايـل صوره شعريه قلما يجيدها الشعراء عندما تحلوا اجواء الشاعر بنسماتها الشرقيه وتجتمع لحونها في مخيلته فكأنه يرفع جدائل السديم لينجلي الصباح بمكنونات ابياته . ـ لـي مهرتـن لاهمّهمـت واللـقـاء حــان تـكـســر قــيــود مشـبـكـيـن الـحـبـايــل كل شاعر يرى ان القصيده هي مهره في مكانتها لديه واي مهرة هي بالتاكيد لايشابهها غيرها عندما ياتي الالهام الشعري وتلتقي بفكر الشاعر فانها تتجاوز كل البحور وتجعله يطوع المعاني والصور التي قد تصعب على غيره . ، أهـديـتـهـا لــلــي لـلامــجــاد مــزبـــان الشـيـخ نـاصـر صـفـوة عـيــال وايـــل بعد كل تلك الفخامه التي توشحت بها الابيات والجموح الذي اتخذته خيول الشعر كان لابد ان تكون الهديه لشخص مميز لايشابهه احد فهو الصفوه كما وصفه الشاعر هنا لذلك هو استحق ماكتب له . ـ اخوك ابو عبدالله |
منصور الرويلي
وافيه من وافي في وافي صح بوحك ولاهنت تحياتي.. |
كفيت ووفيت يا راعي العليا
بيض الله وجهك .. |
منصور صح لسانك
تحياتي |
سفير المعاني شكراً لك على شعورك النبيل أعتز بهذا الاطراء والحضور ـ النور تحيتي وتقديري |
.
. أهديتهـا للـي للامجـاد مـزبـان الشيخ ناصر صفـوة عيـال وايـل وعزالله مدحت ونظمت يابو نايف وصح لسانك ملاييييين تحيتي لك . . |
صح لسانك ولاهنت
وتقبل مروري مشاركتي |
صح الساااانك
قصيدة جززززلة |
الساعة الآن 03:50PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية