|
((( مصافحه اولى .. عودة ولي العهد )))
اخواني / اخواتي منتسبي هذا الصرح الشامخ يسرني الانظمام لكم بكل سرور ,,,,,, يسرني ويشرفني ان اضع هذه المتواضعه هنا ,,,, بمناسبة وصول سمو سيدي الى ارض الوطن سالمآ معافا ,,,,,, صاحب السمو الملكي الامير/ سلطان بن عبد العزيز .. اطال الله بعمره وامده بمزيد من الصحه والعافيه
كل شبرٍ في بلادي بالفرح زغرد وغنا=في قدومك يابو خالد فرحنا ماله حدودي ياهلا..ثم ياهلا..مليون في حامي وطنا=يابو خالد رحلة علاجٍ عساها ماتعودي نحمد اللي سلمك لقلوبنا وحقق املنا=ومن علينا في شفاك وفرح الشعب السعودي كم فرحنا في حضورك كثر ماغيابك زعلنا=ياعساها فرحةٍ دايم وحنا لك جنودي كم يتيمٍ فرحته في شوفتك يابعد اهلنا=ياجزيلٍ بالعطايا مدة كفوفك شهودي اشهد انا في صفاتك لو تكلمنا وقلنا=تعجز حروف القصايد والمعالي بك تزودي يا عضيد الزعيم اللي على حبه وصلنا=المليك ابن المليك ابن الملوك الفهودي اهل السيوف المرهفات المخلفات لكل ظنا=مصقلاتٍ للمعادي والروافض والجحودي وان حصل بالهرج زودي تقطع الراس المطنا=بالملاقا خصمهم يصبح دفينٍ باللحودي حاكمينٍ بالشريعه والعدل ظله شملنا=وحنا وافين لوطنا من عهد عصر الجدودي ياوطنا يحفظك ربٍ عطاك الحب منا =دام عزك يابلادي والعلم دايم سعودي وسلامتكم/فهد الفريدي(طع شوري) |
فهد الفريدي اهلا وسهلا وحياك الله شاعر متمكن ..نصه يتدفق وطنيه ..واحساس ..مفردات صيغت بمشاعر ولاء ..وحرفة محترف .. نص يستحق تكرار القراءه ..والتصفيق له كثيرا. تحياتي وتقديري ..ودمت بخير |
الغالي
الشاعر فهد الفريدي حياك الله في شبكة منتديات رهب الادبيه واسعدني مروري على مصافحتك الاولى بهذه القصيده وما تخللها من مشاعر وولاء صادق بمقدم ولي العهد حفظه الله لارض الوطن سالما ومعافا ولله الحمد والشكر والمنه لقد ابدعت يافهد وصح لسانك وعلا شانك مليون ولا يكفون وتقبل تحياتي |
الشاعرلقدير
فهد الفريدي صح لسانك وعلى شانك لاهنت على هذه القصيده الشامخه في سلطان الخير واسأل الله ان يديم عليه الصحه والعافيه الف شكرلك وفقك الله |
فهد الفريدي
صح لسانك .. قصيده جميله بكل ما تحمل من مفردات وولاء للوطن .. عوداَ حميدا لسمو سيدي الامير سلطان ، وأسأل الله ان يديم عليه لباس الصحه والعافيه .. كل التقدير لك .. |
عوداَ حميدا لسمو سيدي الامير سلطان ،
وأسأل الله ان يديم عليه لباس الصحه والعافيه صح لسانك مدد بلاعدد تقديري |
اقتباس:
الشاعر العزيز / انا لاهنت على حضورك المميز والراقي ياراقي بأبداعك وتميزك الف شكر ودمت بصحه وخير |
فهد الفريدي
صح لسانك على هذه الترحيبة المترفه لا هنت ..مصافحة رائعة من خلالها نحييك ونرحب فيك اجمل ترحب فهم بعد انت تستحق الترحيب هنا في منتديات رهب الشامخة الف حمد لله على سلامة ابو خالد |
فهد الفريدي
صح لسانك يا الشاعر صح البوح ويستاهل ابو خالد لا خلا ولا عدم تقبل تحياتي واحترامي |
اقتباس:
سفير المعاني / اخي العزيز مرورك اسعدني لاهنت يالغالي على هذا الحضور المتميز دمت بخير |
| الساعة الآن 02:31AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية