,,, اقرب شاعر او شاعرة محاوره ...يتفضل
ودنا بها الطاروق ياجماعة خير
من هجوس الشاعر اللى يفيد ويستفيد = مرحبا واهلين والنار من شبابها في رهب يازين نظم القوافي والقصيد = بكره وبعدين والنار من شبابها |
استلم
هلا تراحيب واستلم
البقا يالشاعر اللى على النهج الفريــد=يااهلا وسهلين والنار من شبابـها دمنا مقسوم في كل شريان ووريد=بالقسـا واللين والنـار من شبابـها . . . . |
البقا يارياض واستلم لاهنت
يارياض اليوم معناى والمغزى بعيد = بين خشم وعين والنار من شبابها الشعر من بعد ماكان له ماض ٍ تليد = صار بريالين والنار من شبابها |
الله الله استلم يا تراحيب
كم عصفـورن تهزهز على خضر الجريد = ياليل يا عين والنار من شبابها انا اريد وانته تريد والله يفعل مايـريد = ادروبها سيدين والنار من شبابها . . . . |
يرجى ترصيص الكفر .. قبل السفر :)
|
في البدايه كان عزمك وباسك من حديد = ثم عوّد لين والنار من شبابها اظبط الوزنه ترى ياعميلي جبت عيد = والسنه عيدين والنار من شبابها |
العذر واستلم
فـ البدايه والنهــايه سعد ولا سعيــد = شبر او شبرين والنار من شبابها .حج يا حجاج دام الرساله بالبريــــد = فالحرم مفتين والنار من شبابها . . |
مايحتاج يالذيب
واستلم
عارف ٍ بغداد دانت لهارون الرشيد = في ثمان سنين والنار من شبابها ومن يقدم غاليه لاتقدمله زهيد = المواقف دين والنار من شبابها |
الشاعرين تراحيب ورياص جزالة وفتل ونقض ومعنى بطريقة الشعراء الكبار بيض الله وجيهكم حج يا حجاج دام الرساله بالبريد فالحرم مفتين والنار مـن شبابهـا الله يا رياض كم ابدعت ومن يقدم غاليه لاتقدملـه زهيـد المواقف دين والنار مـن شبابهـا انشهد ان المواقف دين ياسلام عليكم يا شعار ياسلام بداية جزله لمنتدى اتوقع له النجاح الكبير |
صح لسانك اخوي تراحيب ولاهنت امتعتنا
واعتذر اخوي تراحيب عن اكمال المحاوره بسبب ( السفر) ارجوا انت تقبل العذر ونراكم على خير |
الساعة الآن 10:09AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية