سبحان من بامره تهب العواصيف=خالق اعباده عالمن بالخوافي
محرم القرآن عن كل تحريف=سبحان من يعبد وهومايشافي
تخشع له اقلوب الخلايق مواجيف=ربن تحته الخلق كله اضعافي
محرمن لحم الخنازيروالجيف=بديت باسمه جابتي والقوافي
قيفان شعرن وردهالي مراديف=اختارطيبهاواكب الصخافي
اغرف من اقصى خاطري بالمغاريف=واروي خيالي من قراحن وصافي
الى دعاللقيل حزة مواقيف=من فضل ربي ماشتكي من اوقافي
اختارمن جزل المعاني على الكيف=واسجله بصدورالاوراق وافي
نوادرن جزلات ماهي خذاريف=احدمن حدالحداد الرهافي
عذبات انزهن عن الظلم والحيف=مابي على احدن من وراهن حيافي
اصرف المعنى على الكيف تصريف=مااطابهن درب الوعروالحتافي
ولاني من اللي يبدع القاف تزييف=ابدع جديدات القوافي اعفافي
مالي على قيفان غيري مهاييف=ادرى عن المنقودلاصغت قافي
من زورالقيفان يلقاتكاليف=لابدمايبلش بتالي المطافي
الصدق دايم مايجي به تخاليف=ماجاعلى العلم الثبات اختلافي
الجدي واضح مايبي الجدي توصيف=شمال ماقدغاب ثابت يشافي
واسهيل الى بين اقبال الجدي شييف=ومع كل نجمن لاطلع هب سافي
قلته وكم غيري بالامثال كييف=كم شاعرن يبدع بيوتن نظافي
واناالذي يفرح الى قابل الضيف=مهوب عن ضيفه يعوداخلافي
عن خوة الانذال عجل المناكيف=افرح بخوة كل قرمن اسنافي
لي في بحورالطيب لنش ومجاديف=انابخيرولاعلي امتعافي
ماقدجحدت اهل الوفى والمعاريف=ولاالحق معاريفي بمن وحسافي
اجلس مع اهل الطيب في كل تشريف=ارفع مقامي عن سقيطن اثفافي
امشي مع ادروب السنع دون توقيف=ودرب الردى مالي عليه انعطافي
من عني اقفى عنه قفيت ومعيف=ماني ضعيف عقل والاهفافي
لاجت بواجبهامااحسب المصاريف=يوم الردي حسب لهامايضافي
عزي لمن يقضي حياته تكاسيف=ابخيل مال وعيشته بالكسافي
عشاه دايم والغداقطعة ارغيف=والى صحى يفطرعلى كاس كافي
نفسه على الدنياتلهف تلاهيف=من حبهايمشي على الشوك حافي
واللي بهرجه عسرراعي عجاريف=دايم اهروجه لاتكلم اعجافي
يروي بطولاته بكذب السواليف=وهوجبان الى اظلم الليل خافي
هذاواصلي عدروس المشاريف=على النبي واعدادمن سج غافي

http://www.halaup.com/upload/uploads...03f2e90b91.gif



الشـاعـر القـديـر


إبــراهيــم اليحيــا


يـسعـدنــي أن أسـجـل مصـافحـه أولــى لهــذه القصــيده الـرائــعــه
صــح لسـانك وإعتــلا شــانك سلمــت ولاهنـــت

قــصيــده رائعــه وفيهــا مــن الحكمــه الكثيــر

أبـدعــت بهــذه الـرائعــه

التــي لـم أستـطع أن أقتبـس منهــا أي أبيــات فأظلــم البقــيه
فكـل بيــت كســابقه بـروعتــه وقـوته

قصــيدة يطــول الحــديـث عنــها
فتقــبل مـروري المتــواضــع

ودمــت بكـل خيــر ورقــي وتـألق وســمو فـكر
مـع خالـص الشـكـر

لـك تحيــاتي

http://www.halaup.com/upload/uploads...4e2932ca1d.gif

ااخـوي الشاعر
((( ابراهيم اليحيا )))

اشبعتنـا شعـراً
قصيدة رائعة وجزلة
ااتـمنى ان نراك بأبداعاتـك بالمستقـبل القريب
قواك الله

ودمت سالما سعيدا .. .. نيفين

ولاني من اللي يبدع القاف تزييـف
ابـدع جديـدات القوافـي اعفافـي
مالي على قيفـان غيـري مهاييـف
ادرى عـن المنقودلاصغـت قافـي

صح لسانك أخوي الشاعر ابراهيم اليحيا

أبيات جميلة فيها من الوضوح الشيء الكثير
ومثل ماتفضلت بإختيارك من جزل المعاني وهذا هو الشاعر الحقيقي
لا المزيف الذي لابد وأن ينكشف حتى وإن طال المدى
لك تحياتي وتقديري