|
روج تقتال فـــ بدن
كل مااسكر باب لاحزاني فتح عشرين باب= ياكن قلبي ملتقى الاحزان وعيوني مدن لاقلت هدن ياهجوس الفكر نيخن ياركاب=جن مقبلات بحزمة اوجاعي وزادن ماهدن هواجس الحيره وغيم الياس واهموم اكتئاب=غطن سما فكري بتفكيري ولاجن وارعدن مليت من وحشة ظلام الدرب مليت اغتراب=بين الحروف اللي اترجمها على الضيق اهتدن ليه احترق في نار حرماني وطعنات العذاب ؟=ليه ارتمي ليه اكتوي وبجانبي جنة عدن؟ مدري من اللي يحجب عيوني عن النور بحجاب؟=ماشاهدن فرحة امانيهن وللجور اشهدن وانا بديت اداري هومومي واغيب عن العتاب= لكن تعبت ..وماقدرت اخفي همومي لابدن كن حالتي مابين خلق الله سطور(ن) في كتاب=قدام من يقرون بطعوني ويحدن من حدن بين الحقيقه ذابت احلامي ومابين السراب=مره اقول اني اطاولهن ومرات اصعدن كيف الحضور بغمة عيوني يبعثرني غياب؟=واصحى ولالي من مسح دمعي ماغيرك ياردن مشاعري ماهي مشاعر بوح رويان السحاب= لامن شعرت اني مجرد روح تقتال فـــ بدن شاعر ولاني شاعر امجرد من احساس وصواب=بوحي بشعري للعقول الضاميه منه اوردن مااقول في يدي (عصى موسى) ولا( شلفى ذياب)=لاشفت سرب خيول حرماني على حلمي عدن هيجنت للحرمان في شعري الين الشوق ذاب=طوحت وناتي على البيدا ووناتي غدن برقت في كل الجهات الاربعه قبل الذهاب=ولاشفت في كل الجهات الاربعه ..الا الشدن |
الغالي الشاعر علي المبرد اسعدك الله ووفقك بجميع اوقاتك بكل خير سرني واسعدني ان اكون اول المصافحين لهذه القصيده الجزله والقويه بما تحويه من معنى ومضمون وما اقول الا صح لسانك وعلا شانك مليون ولا يكفون وتقبل تحياتي |
علي
كالمعتاد شاعر يستحق المتابعه صح كلك ياعلي تحياتي . |
على المبرد صح السانكـ ياشاعرنا رااائعه كروعتك لاتحرمنا جديدك |
...
الله الله عليك يا علي صح لسانك و لاهنت ابد ابيات في قمة الروعة ننتظر المزيد تقدير |
علي المبرد
صح لسانك |
::
صح لسانك مليون لايكفون قصيده رائعه.. سلمت يمناك وعساك ع قوووه نحترى جديدك الاروع آحترامـــي |
صح لساااااااااانك
ولاهنت تقديري لك |
اقتباس:
وانا ايضا سعيد بحرصك على التواجد يمتصفحي واسعدني هذا التواجد الف شكر بك |
طرح في منٍتهىـآ الَجمال
يُعٌطِيًك رَبِيُ أَلِفٌ عٌآِفًيُةْ ْإِبْدَآَعٌ فيٍ ْكُلِ زَآْوِيْةٍ يَدْفَعُنِيً لِآَوَآصِلَ جَدِيْدَ أُطُرٌوْحَآتَك لِذَآئِقًتِك اَلْرَآقِيْةٌ وَآفِرُ اَلْشُكِْر . |
| الساعة الآن 08:54PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية