مجارات السامر
يسعد مساكم اخواني اعضا شبكة رهب هاذي قصيدتي مجارات السامر في مسابقة ابوهلا امل ان تحوز على رضاكم
االله يجيـرك يـاذرا كـل خايـف=في ساعةٍ ينشف بها الحلق والريق الله يجيـرك ياعديـم الوصايـف=جاهك ومالـك مرتـع للمطاليـق مجـار ياستـر المهـار العفايـف=بالعز تفتـح مبهمـات المغاليـق امجار ياللـي بالمواجيـب رايـف=تحبها حـب الوحـش للشواهيـق يابوهلا عنـدك كبـار الحسايـف=تقضا وتعتقها من الهم والضيـق يابوهلا منجـا الدريـك المهايـف=ياهادي الغادي لسهـل الطواريـق يابوهلا في خلق سبـع الطوايـف=ماوثقوا بالطيب غير انت توثيـق للمرجله والطيب عنـدك وضايـف=مكـارم تبـذل لهـم دون تحقيـق المجاراه مقدمه
من طيب ذكرك صخرت القاف يالسامر =وسط المجره بيوت الشعراسامرها ياعل مجلس سموك بالشعرعامر =وبيوت سبك القصـيد اللي تعمرها القصيده الاساسيه للمجاراه
الله يجيرك ياذرا كـل خايف=من ساعة ٍ ينشف بها الحلق والريق لاباس ياحد السيوف الرهايف=اللي بمدحه يشهر البيت ويليق سـعود ساس الجود نسل النوايف=اخوان نوره سترها دون تلفيق انت الذرا يوم العرا حام حايف=وانـت العطا يوم الجفا سبعه يويق ايديك للشيوخ القبايل غرايف=من عادها تاطى الحـزوم المشاقيق شوق البكار ملافحات السفايف=رجم ٍ تعـلا بالكرم هضبة طويق جاريت بيت ٍ في سما الشـعركايف=وسقت البكار الشقح من راس ذويق (غلا) (ولا) جاتك مثل منت شايف=وردتهــا يالله عليك التوافيق |
الغالي
الشاعر عبدالعزيز محمد الشلوه الله انه يسعدك في جميع الاوقات بكل خير واسعدني ان اكون اول المصافحين لهذه المجارات الممتعه سوى قصيدة الامير السامر او مجارتك لها فقد ابدعت بمجارتك فانت شاعر ومتمكن وليس ذلك بغريب عليك وصح لسان الامير السامر وصح لسانك قصيدتين رائعتين تقبل تحياتي |
عبد العزيز اسعد الله روحك ..وكل عام وانت بخير جواهرجي حرف ..تصوغ ألماس المفردات ..وتطوع لآلي اللغه ..تشكل عقود من البهجه والمتعه . هنا يفوح عود الجزاله .. ونتذوق رطب ألأبداع . تحياتي ..ودمت بخير |
عبد العزيز
صح لسانك ولاهنت مجاراه ولا اروع و في مدح رجل يستاهل المدح وزود و الله لا يهينك مبدع كعادتك تصوغ الحرف و تنحت منه ما يليق بشخصك الكريم ريف تقبل مروري..! |
شاعرنــــــــــــــا؛؛؛صح اللسانكـ ولسان السامر
|
تسلم الايادى
على الطرح الاكثر من رائع يدوم الابداع والتألق بأنتظار كل جديد لك كل ود |
جاريـت بيـت ٍ فـي سـمـا الشعركـايـف
وسقـت البكـار الشـقـح مــن راس ذويــق (غـلا) (ولا) جاتـك مـثـل مـنـت شـايـف وردتـــــــهـــــــا يالله عــــلـــــيـــــك الـــتــــوافــــيــــق عبد العزيز صح السانك اشهد بالله انها من راس شاعر وذويق ومتميز بعد صح السانك والسان السامر ولاهنت |
اقتباس:
سفير المعاني الله يجعل والديك في الجنه اسعدني مرورك لعطر المتواضع لاهنت ياطويل العمر |
اقتباس:
انا كل عام ونت بخير لاهنت على مرورك المتواضع شكرأ لشخصك |
اقتباس:
صح بدنك والاروع حظورك لاهنت على مرورك المتواضع |
الساعة الآن 08:57PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية