سيف الزمان وخنجره
مساكم شعر وصباحكم عطر
كل الشكر للاخوه القائمين على هذا الصرح والشكر موصولا لمن وجه لي الدعوه للانضمام لهذا الصرح مصافحه اولى بأمل ان ترتقي لذوقكم الرفيع رغم مايعتريها من ألم
هم قلبي يجتلد بين الضلوع =والحزن في داخلي يامكثره الهموم اللي تجي من كل نوع = خيمت بين الضلوع و عسكره و رغم ذلك ماخذتني للخضوع = صار صدري للمصايب مقبره الصبر و الحلم للعاقل دروع =في وجه سيف الزمان و خنجره لو يسيل الدم مااهل الدموع = ابتسم في وجه وقتي واشكره يوم دربني على.. صد الجموع = كيف اقاوم جيش همي و اكسره اتقهوى الصبر و الهمه قدوع = دلّتي بطيب العزوم.. مبهره بس في راسي سؤالٍ من ا سبوع = غامض التفسير كيف افسره ياجذور العود وش ذنب الفروع = تاركتها للرياح..... المعصره كان حلم الفرع بايام الطلوع = يستمد الجذر و يصير شجره بس نكبات الزمن صارت تروع =الجفاف بكل صوب يحاصره و رغم ذالك ماتمايل للخضوع = صامدٍ كل العوامل تصغره |
مقبل الفهد
كما عودتنا بنصوصك، جمال لايضاهيه جمال ، ارويت عطشنا بـ اروع الروائع، صح لسانك حتى ترضى،، اسعد المولى قلبك.. النادره في شوق قادم |
اقتباس:
هذا الشعر الذي يروي العطش صح الله لسانك وفكرك يالنشمي كل القصيده مقتبسه من جزالتها |
الغالي الشاعر مقبل الفهد الله يسعدك بجميع اوقاتك اسعدني كثرا مروري متصفحك الزاخر بهذه القصيده الرائعه بما تحويه من معنى ظاهر ومخفي ولكن هذا الشعر اللي يقعد الراس انت شاعر بلا منازع ومتمكن حقا وما اقول الاصح لسانك وعلا شانك وتقبل تحياتي |
اقتباس:
الله يسلمك اختي النادره وصح الله بدنك . تقديري |
اقتباس:
صح بدنك اخوي نمر لاهنت ولك تقديري |
اقتباس:
صح بدنك سفير المعاني لاهنت ولك تحيتي |
الله ... الله عليك . يوم دربني على صد الجموع كيف اقاوم جيش همي واكسره وقصيدك يلفت جموع الجموع . كم أنت رائع ياأخ مقبل .. شاعر كبير في حضورك . وتشوقنا لجديد أبداعك . تحياتي وتقديري لك . |
عبدالكريم
سعدت بحضورك الراقي كل الشكر لك ولك كل التقدير |
الشاعر القدير مقبل الفهد سلم نبضك والقلم تقديري |
الساعة الآن 08:13PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية