أن كان تنشد عن غيابي والأحوال=أنا بخير أن كان ربـي معافيـك
رغم أنشغالي والله أنك على البال=لاتحسبني ياهوى الروح ناسيـك
ماهو أنا اللي مل يوم الزمن طال=حبي قديم ولاحصل فيه تشكيـك
لك منزل(ن) بين المحاني ومدهال=من يوم ماشفتك وقلبي محييـك
مازلت أنا المشتاق والوقت مازال=يحاول أنسى ذكرياتـك وطاريـك
يفدونك العـذال والقيـل والقـال=أخذ الوفا والحب من قلب مغليـك
رح وين ماتبغى من الجال للجال=مادام تغليني وأنا مغرم(ن) فيـك

ماحلا الشعر في راع الرموش المظله=تسفهـل المعانـي والقوافـي تبـارا
تو عمره صغير وجعله العمـر كلـه=أخذ الزين وأهل الزين بعـده فقـارا
كل ماشفت زوله صابت العقل خلـه=ماكذب من يقول أهل المحبة سكـارا
أشهد أنه كمل بالحسن والكامـل الله=وأستحل المشاعر سيد كـل العـذارا

كل ما هب الهوى الغربي على ضلوعي تثنا=نسمته خطرً تشيل القلب من بيـن الحنايـا
جدد الجرح القديم اللي بعـد طـاب وتهنـا=يستر الله لايوردني علـى حـوض المنايـا
الهوى مالـه طبيـب أروح يمـه وأتعنـا=مالي إلا الصبر والمقسوم من رب البرايـا
صابرً لو الليالـي عكـس ماكنـت أتمنـا=دام في صدري طموح اللي مضى أعده هدايا
ترخص الدنيا لجل من تكحل العيـن وتحنـا=ولا كتبت إلا لها وإلا بلاش مـن الصبايـا

يامعذبنـي عليـك الله وامـانـة=لاتزيد جـروح قلبـي والمواجـع
الجفا ماهوب من بـاب الميانـه=لايضيع بغيبتـك ماكنـت جامـع
ويش ذنب اللي تعذب في زمانـة=مندفـع لـك بالمحبـة ماتراجـع
الغدر ماهـو بطبعـي والخيانـة=لجلك اسهر طول ليلي وأنت هاجع
ماعشقت أنسان غيـرك للأمانـة=يشهد الله والحمام اللـي تساجـع
كيف أبنسى وأنت لك عندي مكانة=كل ماسجيت رجلي جيـت راجـع