السلام عليكم ورحمة الله وبركاته
حضور متواضع اتمنى ان يروق لكم ..

الشراره الأولى : عندما يخطىء من نحب ونكتب بأقلام العذر والسماح سطور تحمل في طياتها نسيان مابدر منه .. فيتكرر الخطأ ويتكرر العذر دون مبالاه منه لمعرفته بما له في جميع انحاء القلب ..
وعندما يطغى (( العناد )) ويتعدى (( الصبر )) اقصى حدوده .. يحين الاوان للغضب ليرسل اشد جنوده .. وتأتي النتيجه الصعبه والتي نحاول تحمل عاقبتها ..

ندمح لك الزله ولا انته تبالي=وتزعل بدون اسباب والكل شايف
لا لا تغلى بالغلا وانت .. غالي=وخل الولايف في هواهم .. ولايف
ارفق بحالي يابعد كل .. حالي=قدام حبك لايسمى .. كلايف
لاينقطع يازين حبل الوصالي=وترجع سنيني ياوليفي عجايف
مادام ماغيرك سكن جوف بالي=وش لك تكسر بالضلوع النحايف
يابو الحلا يااول غلا دون .. تالي=حبك رسى مثل الجبال النوايف
البعد عنك مر والقرب .. حالي=منك عذابي ماله أية وصايف
اكره عنادك لويجي له مجالي=له طعنة ٍ مثل السيوف الرهايف
اجاملك واقول .. مزح ودلالي=هرج القلوب ولا كلام الشفايف
واليوم صبري زاد فوق احتمالي=خفف ترى قلبي من الوضع عايف
بعطيك علمي واستمع وش طرالي=حدد نصيبك ماانت لاقي نصايف
اما تجيني وانت طيب وغالي=ولا تروح وراس مالي حسايف