|
الا ياهل القيفان يامبعد الصين %% يابعد المسافه لو نقيس الخريطه
الا ياهل القيفان يامبعد الصين=يابعد المسافه لو نقيس الخريطه ادور من الشعار وافي على الدين=يسجل حقوقه كلها في شريطه :whistling: تحياتي لكم |
هلا سلطان
ياالله حيه ودي بهالطاروق لكني مشغول والله وين الشعار اتمنى لكم التوفيق |
ارحب مليون يالمورقي حضورك يكفينا طال عمرك ومعذور حياك الله |
الليل يالشعاااار الليل
|
الظاهر مابه احد ^_^
|
والا يا هل البستان يا ما اطيب التين=ليا سال واديكم سميطه سميطه تلفت وتلقاني معك يا احمر العين=ألقِّم بعيرك من يديني شويطه ( السميطة ) الجزء من الوادي |
الله الله الله
عليكم شعار كبار متابع لكم |
هلا وغلاااا بالشعاااار
يالله حي سلطان المشاعر و عقاب بن صقر منورين الصفحة وننتظر محاورتكم متابعيين لكم |
عقاب صقر صح لسانك اخوي انت لم ترد على القافيه فهي كانت على ر ي ط هـ وانت اتيت بها على ي ط هـ فقط عموماً حياك ربي |
سلطان دون الصين عدت بلاديين
=== واهل الدبش يرعون وصط الخطيطه ويرعون شرق وغرب و يسار و يمين === في ربعنا الخالي و غربي شبيطه تنزل لها يومين و تشتــــــد يو مين === و يسترحمو ن الرب فو ق البصيطه وسلا متك ياسلطان وسلامت الجميع |
ري ط ه
حلو والله القافية هاذي قافية (فور بي فور) كنك تفصل ثوب ما تلعب محاورة:yasser: اقول العب الله يسلمك اذا تبي تلعب واذا لك راي اخر فانت حر ردي وصلك ولك الخيار |
صح لسانك يعقاب بن صقر
وصح لسانك ياسلطان والمعذره منكم جميع الضاهر النني دخلت معكم والموضوع يخصكم فقط ,,, |
هههههههههههه حلوه كنك تفصل ثوب
انت اول مره تلعب محاوره ؟؟ عموماً الرد الي وصل وصل ولكن ليس على القافيه ماقول إلا صح لسانك |
رفيع النفس صح لسانك يابعدي
وانت ايضاً لم تتقيد بالقافيه المطلوب اللعب عليها تحياتي لك |
رفيع النفس .. عقاب بن صقر .. سلطان المشاعر
صح الله لسانكم ابدعتوووووو واصلووو ابداعكم وحنا لكم متابعيين |
صح السانك سلطان الوفا
يعني رابطها على ارع حروف والله عسرتها ياسلطان وانا ان جات معي جيتك تحياتي |
هههههههههههههههه
هذا الكلام الي يصحي من النوم اخيراً لقيت شاعر يفهمها هههههههههه من غير قاصر في باقي اخواني الشعراء حياك الله يالرايق فالزحمه وبإنتظارك |
المعذرة ياسلطان عسرررة مرة ونا عجزان من نفسي
تحيااتي |
صدقت اول مرة العب مع مثلك
اجل ر ي ط ه عليك بالعافية ومد حبلك وارخ دلوك وهات ماء وسم هلا مرحبا بك والبقا يا سليطين=ولو كان قافك ما يجمّع فريطه تحسب ان شعّار الرّهب عنك عجزين=وهم ورطوك بقافيتك الوريطه |
اقتباس:
انا ماتورط ياوليد الميامين=ادربك يا طباخ فن الزريطه عطيناك فرصه تجمع القاف يومين=وناب الشرافي لا ينوشك قريطه على فكره اخوي عقاب انا لا اعتبر تبييت القاف محاوره بل " تدريب " على المحاوره ارجو ان يكون هناك محاوره مباشره حتى نستمتع بالمحاوره اكثر بيني وبينك ولك الفرصه مفتوحه اي وقت تحب ازهمني ^_* تحياتي لك |
اذا شفت بيوتك ابشر بسعدك ولا تحتاج يومين دقيقتين بامرالله
وبيوتي الاخيرة بايته من البارح وهي موجودة وانا جاهز باي وقت وانت تامر انا البارحة دقَّيت فالباب لوحين = اخيِّرك بين عراشها والعريطه ولا منك مدة يا وليد الوفيين=معي فصَّها وانته عليك اتخريطه |
عريطه .!!
كل هالوقت ولا لقيت كلمه معروفه ههههههههه على كل حال صح لسانك واتمنى ان يكون بيني وبينك محاوره مباشرة حتى يطيب لنا الشعر |
ماتعرفها انت هاذي مشكلتك
ومشكلة مخزونك اللغوي وبرد على فلبك واللي ما معه سنون ما يعرط ينهش ويعرش وصب قهوة اجل ر ي ط ه هههههههههه عموما صح لسانك وشاكر لك سعة صدرك |
هههههههههههههههههههههه
المشكله اذا كان الشخص يحاول يقتنع بمالديه صعبه على الشخص الاخر اقناعه عموماً سعيد بلقائي معك تحياتي لك |
وش رايكم الموضوع مغلق
|
ارحب يالمورقي
هو مغلق من اول ما رد اخوي عقاب لاني كنت متاكد انه ماراح يفهم مقصدي |
فعلا اذا كان الشخص .............
فعلا مشكلة سعدت بك وباسلوبك الفريد في المحاورة هههههه الله يوفقك |
مقصدك واضح يا حبيبي
وهو ان ما لك مقصد الله يبارك فيك |
هلا بك يالمورقي
سلطان مغلقة قبل لا يحط وسيمته ما يسمع الا نفسه ويبي المخارج من اول رد مرة بالقافية (ولزوم ما لا يلزم ) ومرة بكيت وكيت عموما تجربتي معة حلوة ومفيدة لانها اول مرة تمر علي:thumb: ههههههههه الله يبارك له بعرفه |
هههههههههههههههههههه يالبى قلبك يالعقاب مدري صقر
انت ليه زعلان ؟؟ علشان ما رديت نفس القافيه إلا بعد يومين .؟؟؟ ياخي عادي تجي في اكبر العائلات انا اصلاً مقدر وضعك لانه صعبه عليك القافيه تحياتي لك |
هلا بابو يومين
المورقي له يومين ينتظرك والا تبي تليمها له مثل ر ي ط ه ههههههههههههههه اذا تبي فزعة ابشر وانا عقاب وابوي صقر ولا يصعب علي شئ بعون ربي ولله الثناء وخلك فالارض لا تطير والا غديت بين كفي وكف ابوي هههه امزح يا سليطين لا تضيق ابك امزح انت شنب |
انا والمورقي حصنٍ تصاقل
وعلشان ما يكون مثلك مارديت عليه ...لانه فاتني يوم ناداا و مابي ابيت القافيه عموماً ما ودي اكثر معك كلام واضح انك انسان تحب الجدال وانا ماعندي وقت ادور ردودك وارد عليك واذا عندك اي كلام تبي تقوله ارسلي على الخاص تقدير واحترام لاصحاب هذا الموقع تحياتي |
هونها وتهون
حيلك ولا لي مصلحة في جدال مثلك ولا لي مصلحة مراسلتك على الخاص لان ما ودي اكثر هرج مع مثلك ودي |
| الساعة الآن 09:48AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية