تهنئه لابني على تعيينه وبعض من النصح
سميت باسم اللي له الخمس صليت=له حجتي مع عمرتي والصيامي تحية الاسلام للكل عميت=واخص فيهاتاج راسي احزامي سطام سطام السعدلاتعزويت=اللي مضريني بكل احترامي ماخاب ضني والتعب يوم ربيت=افعوله ارقتني علوالسنامي نظمت قافن فيه ابارك وهنيت=له باستلامه للعمل والدوامي علمن تباشيره لهاكم تحريت=مع فرحتي فرحوخوال وعمامي ومن التجارب والذي فيه مريت=من خدمتي سبعه وعشرين عامي حمل الامانه كادضلعان حليت=وحمل بهاالانسان مابه كلامي سطام لحمول الامانه تراكيت=ومثلك بحمل امانته مايضامي لانك على الطاعه من الصغرشبيت=بالحق ماتخشى كلام وملامي انت اتعرف وانامن الحرص وصيت=احفظ وصاتي لك بكل اهتمامي لافات فوتن مانفع قول ياليت=عرب بذرزرعك لطيب الصرامي ترى النظام الى به الناس ساويت=مايلحقك لوم بعملك النظامي اعمل بنية خيرلامن توليت=اياك ينقص حق مسلم اجرامي ابخص زميلك بالعمل لاستمريت=اياك ومجامل ردين خمامي لاشفت ماعفته ومنه استحسيت=جنب قبل تصبح لسوه طعامي مهوب عيب الياعنه عمدصديت=وجودت حبل المعرفه بالكرامي يبين لاهل الطيب هم والحيا صيت=مايختفي ذكرالرجال الحشامي تمت وزين اختامهايوم تميت=على النبي مني صلاة وسلامي |
أخوي أبراهيم ألف مبروك لولدك والله يخليه لك
وتقر عينك به وعقبال ماتفرح فيه وتشوف عياله قصيده رائعه بروعتك فيها معاني كثيره ونصائح قيمه أنت أب عظيم فعلا" بكل ماتحمل الكلمه من معنى تقبل مروري المتواضع لصفحتك..... إمـــــــرأه حــــــره |
أخــــي إبراهيــــم ألف ألف مبروكـ تعيين إبنك
جعله الله قرة عين لك و لِمُحبيه وأسعد الله قلبك على هذه القصيدة و النصائج القيمة وأتمنى أن تكون نبراس أمام أعين شبابنا أصلحهم الله تقبل تحيتي ودمت بالخير \ \ العطــــــاويه |
:
الأستاذ / أبراهيم اليحيا صح لسانك .. قصيده جزله . والف مبروك أعتماد أبنك سطام على نفسه الآن أصبح رجال .. وعقبال زواجه أنشاء الله ونبيك تعزمنا عشان انحظره :) الله يخليه لك ويحفظه . |
امراه حره
العطاويه عبدالكريم اشكركم على المروروصحة ابدانكم وتقبل الله منكم |
الغالي الشاعر ابراهيم اليحيا الف مبروك على تعيين قرة عينك سطام الله يخليه لك وينفعك ببره وتشوف احفادك منه وعزالله انك كفيت ووفيت بما كتبت من نصح له صح لسانك وعلا شانه وشانك يالغالي وتقبل تحياتي |
وانا اقراء هذه الابيات كأني اقراء تفاصيل شموخ رجل ذاك الشبل من ذاك الاسد
الله يباركلك في سطام واخوانه والله يثبته على طاعته ورضاه ويجعله من البرره لاهله والله يبارك لكم في وظيفته.............تقبل حضوري الى شعرك وابداعك |
http://up.al-wlid.com/images.php/i3_con3.gif
الشاعرالقدير / أبراهيم اليحيا صح لسانك .. وعلى شانك الله يخليلك سطام عقبال اعلى الرتب وتفرح بعياله انشاءالله قصيده جزله فيها االشئ الكبيرمن النصح القيم والتوجيه السامي بارك الله فيك ودامت افراحكم يارب لك كل الود والتقدير دمت بخيرومحبه |
سفيرالمعاني
دررر شموخ نجد الله يبارك فيكم وصحة ابدانكم وفالكم التوفيق انشاء الله |
اقتباس:
الف مبروك الف مبرورك لك اول ولسطام ثاني والله يخليه لك ويطول عمره وبيض الله وجهك وكثر الله من امثاله وكفاه شر حساد خلقه وصح لسانك قصيده تذرف منها الدموع من الفرحه من قصيده والد يمتدح ابنه فالله در سطام وماشاءالله عليه ومازالت الدنيا بخير مادام سطام وامثاله موجودن سلمي على سطام لكم جميع احترامي |
الساعة الآن 06:58PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية