اقــبل سواد اللــيل لاتشـره ولاتــلحق مـــــلام=يالصاحب اللي طاح ماء عيني وعينك شافته
انا لي أكثر من ثـلاث اعوام عـام بـعد عـــام = ماجــف نبـع العــين مــن دمـعه ولا ذرافـــته
لاميلت شمس الغروب وسلمت جنــح الظلام=دف الـحيـاه..اسـتـيسرتـني دمـعتيـن خـافتـــه

وأطيح واتطيح العـزوم اللـي مبـاديـها جسـام = وأغـيب مع دوامة التفكير .. وأتـرك ..لافتـه
للحزن.. ويعلمك كبر الحزن عن كبر المقام=اللي بغلاها وسط صدري كل ضلع (ن) نافته
الجـــادل اللـي لاخـبر عنـها ولاحـتى ســلام=علمي بها قــدام تكشف للهوى عـن ..آفتــه
راحت وباقي من كلام الـحب لي معها كلام=وأقفت وقدت ثوب وصل الحب مع طرافــته
علمتها معنى الغرام اللي على أسمه غرام=وكرهتها بعض الكلام اللي تحب... وعافته
وصبيتها وسط العروق وقلت..يامسك الختام=هاذي مـداهيلك هـنا بالحـب ...ياخـوافــته
ولدت وقالت..هو حلال الحب ولااصله حرام=قلت ..الحرام انموت ماوالله نجي صرافته
قالت..اجل لو غاب من حبيت واتعبك الهيام=قلت الصبر..قالت هم ابخص بالهوى عرافته
وغابت وشوف عيونك الثنتين لاتلحق ملام=يالصاحب اللي طاح ماء عيني وعينك شافته

المشاركة الأصلية كتبت بواسطة سفير المعاني (المشاركة 261077) الغالي الشاعر سعود الشطيطي الله انه يسعدك ويوفقك بجميع اوقاتك ولقد اسعدني ان اكون اول المصافحين لهذه القصيده الاجمل من جميله و الرائعه وصح لسانك وعلا شانك ولاهنت وتقبل تحياتي

المشاركة الأصلية كتبت بواسطة عقاب (المشاركة 261165) سعود الشطيطي صح لسانك على هذه الرائعه ياسعود تحياتي .

المشاركة الأصلية كتبت بواسطة خلف العاطفي (المشاركة 261173) سعود الشطيطى ارحب تراحيب الحيا صح السانك وبيض الله وجهك

المشاركة الأصلية كتبت بواسطة شبيب السبيعي (المشاركة 261234) سعود الشطيطي ياالله حيه وحي مصافححته الراقيه فعلاً ابيات مليئه باالشعر .. وشاعريه لايعلى عليها لاهنت ياسعود دمت بحفظ المولى